| e-texts navigator |
| བོད་ཡིག |
48b1 ces bya/ gtso bo zhes bya'o/ /de bzhin du thams cad la yang sbyar bar bya ste/ 'dir dkar po'i phyogs kyi thabs dang sbyar ro/ /nyan thos kyi theg pa'i yang dag par ldan pa'i mdo'i rnam par dbye ba yang 'dir sbyar bar bya'o/ /rigs kyi bu gzhan yang
48b2 dper na mkhris pa rgyas pa'i nad kyis thebs pa la ni mar dang / mngar ba brgyad kyi sman 'ba' shig lhag par phan pa de bzhin du de bzhin gshegs pa'i dgongs pa'i tshig gi mkhris pa rgyas pa'i nad kyis zin pa la yang theg pa chen po'i mdo sde dang /
48b3 mya ngan las 'das pa chen po'i mngar ba brgyad kyi sman 'ba' zhig lhag par phan te/ 'dir mngar ba brgyad gang zhe na/ rtag pa dang / brtan pa dang / ther zug dang / zhi ba dang / bsil ba'i rang bzhin dang / rga ba med pa dang / 'chi ba med pa dang /
48b4 dri ma med pa dang / bde ba ste/ 'di rnams ni 'dir mngar ba brgyad ces bya ste/ gang gi phyir mngar ba chen po yin pas na de'i phyir yongs su mya ngan las 'das pa chen po zhes bya'o/ /byang chub sems dpa' sems dpa' chen po rnams ming dang
48b5 yon tan dang tshul de la gnas na yongs su mya ngan las 'das pa rnam pa du ma ston te/ de bas na yongs su mya ngan las 'das pa chen po zhes bya'o/ /rigs kyi bu 'am/ rigs kyi bu mo yongs su mya ngan las 'das pa chen po 'dis mya ngan las 'da'
48b6 bar 'dod pas ni de bzhin gshegs pa dang / chos dang dge 'dun rtag go zhes bya ba la brtson par bya'o/ /rigs kyi bu 'am/ rigs kyi bu mo yongs su mya ngan las 'das pa chen po'i spyad pa spyod par 'dod pas ni de bzhin gshegs pa rtag
48b7 go zhes bya ba la brtson par bya'o/ /gsol pa/ kye ma bcom ldan 'das de bzhin gshegs pa bsam gyis mi khyab lags so/ /chos bstan pa bsam gyis mi khyab lags so/ /dge 'dun yon tan gyi tshogs dang ldan pa bsam gyis mi
48b8 khyab lags so/ /de bzhin du yongs su mya ngan las 'das pa chen po'i mdo 'di yang bsam gyis mi khyab lags so/ /'di la gang dag bka' bzhin du byed pa de dag ni yang dag par 'dzin pa'i sems can lags so/ /de dag ni mchod rten
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo