| e-texts navigator |
| བོད་ཡིག |
48a1 de bzhin du/ nyon mongs pa rnam pa sna tshogs bye ba snyed kyi rang bzhin gyi bdud la sogs pa bdud thams cad las rnam par rgyal ba ni yongs su mya ngan las 'das pa chen po lus 'dor zhing 'chi ba 'di kho na nyid du 'du bar 'gyur te/
48a2 de bas na yongs su mya ngan las 'das pa chen po zhes bya'o/ /gzhan yang dper na sman dpyad rig pa gsum la sogs pa'i rig pa rnams ni rang rang gi rgyud phyi ma kho nar yongs su 'du bar 'gyur ba de bzhin du de bzhin gshegs pas gsungs pa'i dgongs
48a3 pa'i tshig gsang ba'i chos kyi sgo rnam pa sna tshogs thams cad kyang yongs su mya ngan las 'das pa chen po kho na'i khongs su 'du bar 'gyur bas na/ de'i phyir yongs su mya ngan las 'das pa chen po zhes bya'o/ /dper na dbyar gyi dus su zhing pas gshol chen
48a4 pos rmos te sa bon btab nas sa bon 'grub par 'dod la/ grub nas ni thams cad grub pa'i mthar thug pa de yin pa'i phyir 'dod pa med par 'gyur ba de bzhin du sems can rnams kyis mdo thams cad kyi ting nge 'dzin bsgoms zin nas kyang mdo
48a5 gzhan gyi bcud 'dod par byed la/ mdo 'di'i bcud ni thams cad grub pa'i mthar thug pa dang / 'dis sems can thams cad srid pa thams cad las rgal bar 'gyur ba yin no/ /rigs kyi bu dper na rjes kyi sna grangs ci yang rung ba de dag thams cad
48a6 ni glang po'i rjes kyi khongs su 'du bar 'gyur te/ glang po che'i rjes ni de dag gi nang na mchog ces bya/ rab mchog ces bya/ gtso bo zhes bya ba de bzhin du rigs kyi bu mdo 'di'i ting nge 'dzin ci yang rung ba de dag thams cad ni yongs su mya ngan las
48a7 'das pa chen po kho na'i khongs su 'du bar 'gyur te/ mdo 'di'i ting nge 'dzin thams cad kyi nang na yongs su mya ngan las 'das pa'i mdo chen po mchog ces bya/ rab mchog ces bya/ gtso bo zhes bya'o/ /rigs kyi bu gzhan yang dper na ston gyi dus su
48a8 lo tog btab pa ni rmos thams cad kyi mchog ces bya/ rab mchog ces bya/ gtso bo zhes bya ba de bzhin du yongs su mya ngan las 'das pa'i mdo chen po'i rtag pa nyid kyi gshol chen pos rmos pa ni mdo thams cad kyi mchog ces bya/ rab mchog
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo