| e-texts navigator |
| བོད་ཡིག |
47b1 yi ge gcig kyang shes te/ gang yi ge gcig shes pa de lta bu ni 'jig rten na 'dul ba 'dzin pa yin te/ 'di ni mdo sde la 'dul ba 'dzin pa zhes bya'o/ /de ltar na de bzhin gshegs pa'i bstan pa ni dpag tu med do/ /de bzhin gshegs pa ni bsam
47b2 gyis mi khyab bo/ /gsol pa/ bcom ldan 'das de bzhin gshegs pa lta lags kyang bsam gyis mi khyab lags/ rtag pa dang brtan pa dang / ther zug dang zhi ba lags te bsam gyis mi khyab bo zhes gzhan dag la yang bstan par 'tshal lo/ /
47b3 bcom ldan 'das kyis bka' stsal pa/ 'od srung chen po dang rus gcig pa legs so legs so/ /de bzhin gshegs pa ni rdo rje ltar mi shigs pa'i sku 'dzin pa la zhugs pa yin te/ de ltar yang dag pa'i lta ba dang / bslab pa la gus par bya'o/ /
47b4 de bzhin gshegs pa rdo rje ltar mi shigs pa'i sku dang ldan par yang dag par lta ba'i byang chub sems dpa' sems dpa' chen pos ni ji ltar me long gi ngos la rang bzhin gyis gzugs brnyan snang ba de bzhin du don dam pa'i sku gsal bar mthong ngo / /
47b5 rdo rje ltar mi shigs pa'i sku'i phung po zhes bya ste gnyis pa'o// // rigs kyi bu gzhan yang da ni mdo 'di'i ming dang yon tan dang / tshul khrims yang dag par gzung bar gyis shig /mdo 'di'i ming thos na sems can rnams 'gro ba bzhir 'gro
47b6 bar 'gyur ba de ni mi srid de mdo chen po 'di'i yon tan dang tshul sangs rgyas mang pos bstan pa de lta bu ngas bstan par bya'o/ /gsol pa/ byang chub sems dpa' sems dpa' chen po rnams ji ltar mdo 'di'i ming yang dag par 'dzin pa lags/
47b7 ji ltar mdo 'di'i ming 'dzin pa'i grangs su gtogs pa lags/ bka' stsal pa/ mdo 'di ni yongs su mya ngan las 'das pa chen po zhes bya ste/ tshangs par spyod pa thog mar dge ba/ bar du dge ba/ tha mar dge ba/ don bzang po/ tshig 'bru
47b8 bzang ba/ ma 'dres pa/ yongs su rdzogs pa/ yongs su dag pa/ yongs su byang ba/ rdo rje lta bu'i gter dang che bar grags pa yin no/ /rigs kyi bu dper na gang gA dang ya mu na la sogs pa chu klung brgyad ni rgya mtsho chen po kho nar 'bab pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo