rKTs

e-texts navigator

Volume

Page

46b₁ med pa'i dge sbyong gi dngos po sel ba dang / tshul khrims dang ldan pa dang dge ba'i chos can dang / rgya mtsho dang 'dra ba'i blo gros 'chang ba dang / byad gzugs dang / cha byad dang / rnyed pa dang bkur sti gzhan mi 'dod pa dang / chog shes
46b₂ shing yo byad bsnyungs pa ston pa gang yin pa ste/ de ni slob dpon zhes bya'o/ /de ni 'khor rnyed pa dang bkur sti 'dod pa'i rang gi 'khor gyi dge 'dun gang yin pa de dag ni zlog par byed do/ /de la dge 'dun yang rnam pa gsum ste/ tshul khrims
46b₃ 'chal pa dang 'dres pa dang / byis pa'i dge 'dun dang / rang bzhin gyi dge 'dun no/ /de la tshul khrims 'chal pa dang 'dres pa'i dge 'dun ni des zlog par byed de/ tshul khrims 'chal pa dang 'dres pa'i dge 'dun zhes bya ba ni tshul
46b₄ khrims 'chal pa rnams 'ba' shig dang 'thun par byed de/ de dag tshar gcod par mi byed cing zang zing gi phyir de dag dang lhan cig tu spyod pa 'thun par byed pa gang yin pa ste/ tshul khrims dang ldan du zin kyang de dag dang lhan cig
46b₅ tu gnas pas tshul khrims 'chal pa kho na yin pa'i grangs su 'gro bar 'gyur ro/ /'di ni tshul khrims 'chal pa dang 'dres pa zhes bya ste de'i tshul med pa zlog par byed pa'i phyir slob dpon zhes bya'o/ /byis pa'i dge 'dun zhes bya
46b₆ ba ni dgon pa pa dang / bsod nams zhan pa dang / rmugs pa rnams yin te/ skabs dbye ba dang / gso sbyong rnams kyi dus su rang gi 'khor nyi tshe dag par byed kyi tshul khrims 'chal pa rnams dag par mi byed par de dag dang lhan cig
46b₇ tu 'dre bar gnas pa de ni byis pa'i dge 'dun zhes bya ste/ rmugs pa de dag gi tshul ma yin pa sel bar byed pa'i phyir slob dpon zhes bya'o/ /rang bzhin gyi dge 'dun ni bdud bye ba snyed kyis kyang mi shigs pa yin te/ de ni byang chub
46b₈ sems dpa'i dge 'dun rang bzhin gyis rnam par dag pa'o/ /tshul khrims 'chal pa'i dge 'dun rnam pa gnyis zlog par byed pa gang yin pa de dag ni slob dpon zhes bya'o/ /'dul ba 'dzin pa zhes bya ba ni gdul bar bya ba'i dbang

_{iiif viewer powered by OpenSeadragon}

46a - 47a

Texts on this page