rKTs

e-texts navigator

Volume

Page

46a₁ theg pa chen po 'di la ni dge bsnyen gyis bslab pa'i gzhi lnga blang bar mi bya ste/ dam pa'i chos bsrung ba'i phyir lag na mtshon cha thogs shing dge slong rnams bsrung bar bya'o/ /gsol pa ci lags dge slong gang
46a₂ dag de lta bu'i dge bsnyen lag na mtshon cha thogs pa dang lhan cig 'grogs shing rgyu ba de dag slob dpon lags sam/ 'on te slob dpon ma lags/ tshul khrims 'chal pa zhes bgyi 'am/ 'on te mi bgyi lags/ bcom ldan 'das
46a₃ kyis bka' stsal pa/ rigs kyi bu de bzhin gshegs pa yongs su mya ngan las 'das pa'i 'og tu nang 'khrug 'byung ba dang yul bcom pa dag 'byung bar 'gyur te/ dus ngan par gyur pa de'i tshe mu ge'i nyes pas phal cher rab tu 'byung zhing
46a₄ mgo reg tu 'gyur te/ de dag gis dge slong tshul khrims dang / cho ga dang / yon tan dang / spyod pa phun sum tshogs pa dang ldan pa dag skrod par 'gyur/ gsod par 'gyur te/ der dge slong tshul khrims dang ldan pa rnams kyis grong
46a₅ dang / grong khyer dang / ri khrod kyi grong dag tu ji ltar rgyu bar bya ste/ de lta bu dag gi dus na dge slong tshul khrims dang ldan pa slob dpon du gyur pa rnams lam du 'gro ba na rang gi srog bsrung ba'i phyir mtshon cha lag na thogs pa dag der 'gro
46a₆ bar ngas gnang ngo / /dge bsnyen rnams dang / khyim bdag dang / rgyal po dang / blon po rnams kyis dge slong tshul khrims dang ldan pa bsrung ba'i phyir mtshon cha 'chang ba de yang tshul khrims yin zhes nga zer te/ 'on kyang gsad par
46a₇ ni mi bya'o/ /dgag pa'i phyir mtshon cha bcang bar bya ste/ de ni mchog tu mkhas pa'i tshul khrims yin no/ /slob dpon ni theg pa chen po'i gdams ngag ston pa dang / yang dag par lta ba dang / rung ba ma yin pa'i gdugs dang / 'bru
46a₈ mar gyi snod dang / 'bras bu'i rnam grangs rnams spangs pa dang / rgyal po dang blon po rnams la mi sten pa dang / rnyed pa'i phyir sbyin pa po rnams la dga' ba dang snyan par smra ba ma yin pa dang / spyod lam phun sum tshogs pa dang / tshul

_{iiif viewer powered by OpenSeadragon}

45b - 46b

Texts on this page