| e-texts navigator |
| བོད་ཡིག |
45b1 dang / mda' rnams kyis lus la ma gtsags pa'i sa mtshams yungs 'bru tsam yang med par gyur to/ /de nas dge slong des rgyal po de de ltar gyur pa mthong nas legs so zhes smras te dam pa'i chos bsrung bas ni de ltar bya dgos so/ /khyod ni
45b2 chos dpag tu med pa'i skal ba can du 'gyur ro zhes byas so/ /de nas rgyal po des dge slong de'i tshig thos nas shi ba'i 'og tu de bzhin gshegs pa mi 'khrugs pa'i 'jig rten gyi khams su skyes so/ /der sems can gang rjes su yi rang
45b3 bar gyur pa rnams dang / g.yul 'gyed pa gang yin pa de dag thams cad kyis kyang byang chub thob par gyur to/ /de bzhin gshegs pa mi 'khrugs pa'i 'jig rten gyi khams mngon par dga' ba zhes bya ba'i 'jig rten gyi khams su de
45b4 bzhin gshegs pa mi 'khrugs pa'i rnam pa zhes bya ba zhig kyang byung ngo / /dge slong sangs rgyas byin yang rgyal po de shi ba'i rjes la shi nas de bzhin gshegs pa mi 'khrugs pa'i bstan pa la nyan thos kyi mchog tu gyur to/ /rgyal po de yang
45b5 nyan thos gnyis par gyur to/ /de ltar na dam pa'i chos nub pa'i tshe dam pa'i chos bsrung bar bya'o/ /de'i tshe rgyal por gyur pa de ni nga yin no/ /dge slong de ni sangs rgyas 'od srung yin te de ni yongs su mya ngan las 'das so/ /de ltar na dam
45b6 pa'i chos bsrung ba'i 'bras bu ni dpag tu med de/ 'bras bu rnam par dag pa des na nga yang rma bya mdongs ri mo can mang pos brgyan pa lta bur gyur te/ mi shigs pa'i sku dang chos kyi sku mnyes par gyur to/ /'od srung chen po dang rus gcig
45b7 pas gsol pa/ de bzhin gshegs pa ni rdo la brkos pa'i yi ge bzhin du rtag pa'i sku dang ldan lags so/ /bka' stsal pa/ rigs kyi bu de bas na dam pa'i chos bsrung bar 'dod pas ni dge slong ngam/ dge slong ma'am/ dge bsnyen nam/
45b8 dge bsnyen ma gang na yod pa der bsrung bar bya'o/ /dge bsnyen dam pa'i chos bsrung ba'i 'bras bu ni rgya che'o/ /rigs kyi bu de bas na dge slong rnams mtshon cha lag na thogs pa'i dge bsnyen dag gis mdun du bdar te rgyu bar bya'o/ /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo