rKTs

e-texts navigator

Volume

Page

44b₁ bka' stsal pa/ rigs kyi bu khyim bdag mgo reg ces de skad ma zer cig / 'di na dge slong la la mal stan sar pa la 'dug cing de zan zos nas gcig pu phyogs gcig na mi smra bar 'dug ste/ bsam gtan byed la lus kyi rang bzhin
44b₂ la yang lta bar byed do/ /sems can 'ongs pa rnams la yang sbyin pa'i gtam dang / tshul khrims kyi gtam dang / bsod nams kyi gtam dang / bsod nams kyi rnam par smin pa'i gtam dang / chog shes pa dang bsnyung ba'i chos
44b₃ ston la/ seng ge'i sgra sgrogs par yang mi byed/ seng ge lta bu'i 'khor yang mi 'chang / rtags can 'chal pa tshar gcad pa'i phyir yang ston par mi byed pa'i dge slong de ni skye bo thams cad la phan pa'i phyir zhugs pa yang ma yin/ bdag
44b₄ la phan pa'i phyir zhugs pa yang ma yin te/ nyon mongs pa zhan pa yin pas tshul khrims dang ldan pa tshangs par spyod pa tsam du zad do/ /dge slong tshul khrims dang ldan pa dge ba'i chos can gzhan zhig nas gzhan zhig na mal stan sar pa la 'dug cing
44b₅ seng ge'i sgra sgrogs te/ sems can thams cad la phan pa dang / bde ba'i phyir gsung rab yan lag dgu mdo sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde
44b₆ dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde rnams ston te/ mdo 'di la dge slong bran dang / bran mo dang / ba lang dang / ma he la sogs pa rdzas ngan pa 'chang ba
44b₇ rnams chad pas gcad par bshad pa ni bdag cag gi rkyen du 'tsham pa yin te/ mdo che ge mo zhig las kyang rab tu byung ba rdzas ngan pa 'chang ba rnams bcom ldan 'das kyis rgyal po che ge mo zhig la chad pas gcod du bcug ste/
44b₈ tshul khrims 'chal pa rnams ni gos skya bo gyon du bcug go zhes ston cing de de ltar seng ge'i sgra sgrogs pa la tshul khrims 'chal pa rnams kyis dkrugs ma byas te/ srog bcad du zin kyang dge slong de la ni tshul khrims dang ldan pa/ bdag

_{iiif viewer powered by OpenSeadragon}

44a - 45a

Texts on this page