| e-texts navigator |
| བོད་ཡིག |
44a1 gshegs pa nyid kyis mtshan ma'i dngos po rnams kyi sgo nas thugs su chud par spyod kyi/ nyan thos dang rang sangs rgyas thams cad kyis ni mi nus so/ /de bzhin gshegs pa de lta bu'i yon tan dang ldan pa sha'i sku
44a2 ma yin pa la kham pa'i snod bzhin du nad dam/ gnod pa 'am/ 'jig par ga la 'gyur/ 'jig pa dang / na ba dang / mya ngan las 'da' bar ston pa gang yin pa de ni gdul bar bya ba'i dbang gi phyir yin par blta bar bya'o/ /de bas na deng phyin chad
44a3 de bzhin gshegs pa'i sku rdo rje ltar mi shigs shing mkhregs par yid la gyis shig / gzhan dag la yang sha'i sku ma yin no zhes ston cig /de bzhin gshegs pa ni chos kyi sku yin par khong du chud par gyis shig /'od srung chen
44a4 po dang rus gcig pas gsol pa/ bcom ldan 'das de ltar na de bzhin gshegs pa yon tan de lta bu dang ldan pa la snyun dang mi rtag pa dang 'jig pa ga la zhig mchis te/ deng slan chad de bzhin gshegs pa ni chos kyi sku ste/
44a5 rtag pa dang / brtan pa dang / ther zug pa dang / zhi ba'o zhes gzhan dag la yang bstan par 'tshal na/ rdo rje lta bur mi shigs pa'i sku 'di ji ltar 'grub par 'gyur lags/ sku 'di lta bur rgyu ci las 'grub lags/ bcom ldan 'das
44a6 kyis bka' stsal pa/ nga'i sku 'di lta bu ni dam pa'i chos srung ba'i bsod nams las grub pa yin no/ /rigs kyi bu dam chos srung ba'i dge bsnyen gyis ni bslab pa'i gzhi lnga blang bar mi bya'o/ /dge bsnyen gyi 'dul ba yang spyad par mi
44a7 bya'o/ /tshul khrims dang / cho ga dang yon tan dang ldan pa'i dge slong rnams bsrung ba'i phyir mda' gzhu dang / ral gri dang mdung thung kha leb lag tu thogs par bya'o/ /gsol pa/ dge slong dag las srungs ma dang lhan cig mi 'khod par
44a8 gcig pu shing drung du stan bting ba la mchis pa gang lags pa de dag ni dge slong zhes bgyi ba lags pas srungs ma dang lhan cig 'khod pa gang lags pa de dag ni khyim bdag mgo reg ces bgyi ba lags so/ /bcom ldan 'das kyis
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo