| e-texts navigator |
| བོད་ཡིག |
42a1 gnas pa dang / gang na snang ba ni khyod kyi yul yang ma yin gyis/ sangs rgyas bcom ldan 'das ni thabs bsam gyis mi khyab pa'i sku yin no snyam du khyed kyis gnas par gyis shig /rigs kyi bu chos dang dge slong
42a2 gi dge 'dun la yang rtag pa'i 'du shes yang dang yang du bsgom par gyis shig / gzhi gsum la tha dad par ma byed cig /mi rtag pa'am/ mi brtan pa'am/ ther zug pa ma yin pa 'am/ zhi ba ma yin pa'am/ thar pa ma yin pa'i rnam par
42a3 yang ma sgom shig / rigs kyi bu 'am rigs kyi bu mo gang dag gzhi gsum gyi bdag nyid chen po la de ltar mi sgom pa de dag gi skyabs su 'gro ba ni dag pa yin no zhes nga zer ro/ /de ltar na rtag pa bsgom pa ni bsam gyis mi khyab ste/ rigs kyi
42a4 bu dper na shing yod na grib ma yod kyi/ shing med na grib ma med pa de bzhin du de bzhin gshegs pa rtag pa dang skyabs su 'gyur gyi/ gal te mi rtag na lha dang mi rnams kyi skyabs su 'os pa ma yin no/ /gsol pa/ bcom ldan 'das ci
42a5 lags/ mtshan mo mun pa'i nang na shing ljon pa'i grib ma snang zhes bgyi 'am mi snang zhes bgyi/ bka' stsal pa/ 'od srung chen po dang rus gcig pa shing ljon pa yod pa'i grib ma ci'i phyir med ces brjod par bya'o/ /de lta mod kyi sha'i
42a6 mig gis ni mi mthong ste/ de bzhin du de bzhin gshegs pa yang rtag pa dang / brtan pa dang / ther zug pa yin te/ ther zug pa yin gyis kyang mtshan mo mun pa'i nang na shing ljon pa'i grib ma sha'i mig gis mi mthong ba de bzhin du de
42a7 bzhin gshegs pa yongs su mya ngan las 'da' bar mdzad pas rtag pa dang / brtan pa dang / ther zug pa yin bzhin du mtshan mo mun pa'i nang na shing ljon pa'i grib ma bltar mi snang bas sems can rnams de bzhin gshegs pa mi rtag go
42a8 snyam du yongs su rtog go/ /gal te nga dang chos dang / dge 'dun rtag pa'i 'du shes khyod kyi pha ma la med na gsum la skyabs su 'gro ba ma dag go zhes nga zer ro/ /pha ma gnyis la gzhi gsum rtag par bstan na ni byang chub sems dpa' sems
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo