rKTs

e-texts navigator

Volume

Page

41a₁ pha ma la phu dud bya ba ji lta bu yin pa yang mi shes/ gsum la skyabs su 'gro ba ji lta bu yin pa yang mi shes/ gzhan gyi chung ma spang ba ji lta bu yin pa yang mi shes/ rtag pa ji lta bu yin pa yang mi shes so/ /de la sangs
41a₂ rgyas kyi sprul pa ni mi rtag pa yin/ brdzun pa yin te/ des na 'jig rten pa rnams de bzhin gshegs pa mi rtag go mi brtan no snyam du 'dzin te/ de bas na mi rtag pa'i gnyen por de bzhin gshegs pa rtag go zhes bya ba la brtson par bya'o/ /rigs
41a₃ kyi bu de nas ba lang gi lhas de'i skal ba can gyi 'khor los sgyur ba'i rgyal po 'jig rten du byung la chom shod pa de dag gis kyang 'khor los sgyur ba'i rgyal po'i bsod nams kyi mthus de ba lang gcig kyang med par mi byed do/ /de nas nags na
41a₄ rgyu ba'i chom shod pa de dag gis ba lang gi lhas de bor te 'gro bar 'gyur ro/ /de nas 'khor los sgyur ba'i rgyal po'i khyim bdag rin po ches ba lang gi lhas de nyams su len par 'gyur te/ khyim bdag rin po che des rang gi blos ba lang gi lhas
41a₅ de'i 'o ma'i de kho na nyid kyi thabs shes par 'gyur la/ ba rnams kyi 'o ma yang 'khor los sgyur ba'i rgyal po'i bsod nams kyis nyis 'gyur du bzhor yod par 'gyur ba de bzhin du chos kyi 'khor los sgyur ba'i sangs rgyas 'jig rten du byung nas/
41a₆ ba lang gi lhas dang 'dra ba'i 'jig rten pa thams cad yongs su 'dzin par mdzad na rtag pa'i sgra ni de bzhin gshegs pa 'ba' shig gi rjes su 'thun gyi/ 'jig rten pa chom shod dang 'dra ba rnams kyis ni sangs rgyas kyi sgra dang rtags kyis
41a₇ gnas kyang thob par mi 'gyur ro/ /de bzhin gshegs pa'i nyan thos rnams ni khyim bdag rin po che bzhin du dam pa'i chos kyi ba lang gi lhas nyams su len par byed de/ sems can bsod nams dang ldan pa rnams kyi don du chos kyi
41a₈ 'o ma 'jo bar byed do/ /rigs kyi bu rgyu des na de bzhin gshegs pa rtag pa dang / brtan pa dang ther zug pa yin la/ 'jig rten pa rnams la ni rtag pa'i chos med de/ rtag pa'i sgra de ni de bzhin gshegs pa sangs rgyas rnams 'ba'

_{iiif viewer powered by OpenSeadragon}

40b - 41b

Texts on this page