| e-texts navigator |
| བོད་ཡིག |
38b1 pa dang / bsdigs pa dang / tshar gcad pa rnams kyis shi bar gyur la/ gcig ni gson por 'dug ste/ gcig logs par gyur na gsum ni shi yang sla ste/ gsum ni shi gcig ni lobs pa de la ci slob dpon gyis ni sdig pa mi dge
38b2 ba'i las byas shes bya'am/ bcom ldan 'das de ni ma lags te/ de la ni gnyi ga la yang sdig pa'i las su mi 'gyur lags so/ /de ci'i slad du zhe na/ de la ni 'khon gyi bsam pa ma mchis te/ de ltar bgyis na bsod nams
38b3 mang po 'phel bar 'gyur lags so/ /bcom ldan 'das kyis bka' stsal pa/ rigs kyi bu de bzhin du de bzhin gshegs pa ni dam pa'i chos sun 'byin pa'i sems can rnams la sgra gcan zin bzhin du gzigs te/ bu rnams
38b4 slob dpon gyi lag tu gtod pa bzhin du rgyal po dang / blon po dang / dge bsnyen rnams kyi lag tu gtod par mdzad do/ /de nas rgyal po dang / blon po dang / dge bsnyen de dag gis byis pa g.yel ba de dag tshar gcod par byed na/
38b5 ci de la de bzhin gshegs pa la sdig pa'i las su 'gyur zhes bya'am/ bcom ldan 'das de ni ma lags te/ rgyal po dang / blon po dang / dge bsnyen rnams la yang sdig pa'i las su mi 'gyur na de bzhin gshegs pa gos pa mi
38b6 mnga' ba lta la gos par ga la 'gyur te/ de dag nyid kyi yon tan dang spyod pa bsrung ba'i slad du mi 'dod bzhin du tshar gcod par bas so/ /bcom ldan 'das kyis bka' stsal pa/ de ltar na bu gcig pa'i 'du shes sgom pa yin te/ gang
38b7 dag de ltar sgom pa de dag gis ni bu gcig pa'i 'du shes bsgoms par 'gyur ro/ /de ltar byang chub sems dpa' sems dpa' chen pos sems can thams cad la bu gcig pa'i 'du shes bsgom par bya'o/ /de ltar byas na sems
38b8 can thams cad la ting nge 'dzin bsgom pa bsgoms par 'gyur ro/ /des na mchog tu 'tshe ba med pa dag par 'gyur te/ des na byang chub sems dpa' tshe ring ba dang / mchog tu tshe ring ba dang / tshe rabs dran par 'gyur ro/ /'od srung
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo