| e-texts navigator |
| བོད་ཡིག |
38a1 n gan las 'das pa'i 'og tu dge slong dag dam pa'i chos khol du 'byin par 'dod pa la rgyal pos ston pa med pa'i phyir gnod pa byed pa las rgyal po de rgyal po gzhan gyis bzlog ste des mthu chung bar byas nas rgyal po de
38a2 chos la gnas par gyur na/ rgyal po gcig shos de la bsod nams chen por 'gyur zhes nga smra'o/ /de ci'i phyir zhe na/ rgyal po gcig shos kyi nyes pa chen po'i gzhi zhi bar byed pa'i phyir ro/ /rigs kyi bu gzhan yang dper na zhing
38a3 ngam khyim du dug shing ngam snye long skyes na rtsa nas dbyung dgos pa de bzhin du tshul khrims 'chal pa rnams dang / dam pa'i chos sun 'byin pa rnams bran bzhin du tshar gcad par ngas gnang ngo / /gang dag de rnams tshar gcod par mi
38a4 byed pa de dag ni nga'i bstan pa las shin tu ring ba yin no/ /gang dag de rnams tshar gcod par byed pa de dag ni nga'i slob ma dang / nga'i nyan thos yin no/ /'od srung chen po dang rus gcig pas gsol pa/ gal te de bzhin gshegs
38a5 pa de skad gsung na ni sems can thams cad la sgra gcan zin bzhin du gzigs pa'ang ma lags/ ste'u dang tsan dan lta bu zhes bgyi ba'i ming yang rlag par 'gyur na dam pa'i chos sun 'byin pa rnams ji ltar tshar gcad pa'i rigs
38a6 lags/ de bzhin gshegs pas de ltar bgyid du stsal ba'i mi rigs lags so/ /bcom ldan 'das kyis bka' stsal pa/ 'od srung chen po dang rus gcig pa dper na khyim bdag gam/ tshong dpon nam/ sde dpon nam/ blon po'am/
38a7 rgyal po yang rung ba zhig gis rang gi bu sdug cing phangs la mchog tu mdzes shing byad gzugs phun sum tshogs pa rnams slob dpon gyi lag tu gtad nas slob dpon de la 'di skad smras te/ bdag gi bu 'di rnams 'dul ba dang / cho ga
38a8 dang / spyod yul dang / rig pa rnams bslab pa'i phyir khyod la gtad kyis/ 'di rnams khyod kyis 'dul ba dang / cho ga dang spyod yul dang rig pa rnams slobs shig /chos shig /gal te bdag gi bu 'di bzhi las gsum ni brdeg
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo