| e-texts navigator |
| བོད་ཡིག |
37b1 bcom ldan 'das kyis bka' stsal pa/ 'od srung chen po dang rus gcig pa de lta los kyang mod/ nga ni sems can thams cad la sgra gcan zin bzhin du lta'o/ /'od srung chen po dang rus gcig pas gsol pa/ bcom ldan 'das 'o na
37b2 bsnyen par rdzogs pa'i 'khor dag pa rnams kyis bcwa lnga'i gso sbyong la bab pa'i tshe/ /gzhon nu ma drangs pa/ lus ma sbyangs pa/ bsnyen par ma rdzogs pa zhig brtsig pa'i grwa zhig tu yib ste nyan pa na/ ci'i slad du bcom ldan
37b3 'das kyis gnang nas gnod sbyin gyi rgyal po lag na rdo rjes rdul zhib mo bzhin phye mar rlags lags/ kye ma des de bkum pa ni lag na rdo rjes ha cang drags lags so/ /de lta na ji ltar bcom ldan 'das sems can thams cad la
37b4 sgra gcan zin dang 'dra bar gzigs pa lags/ bcom ldan 'das kyis bka' stsal pa/ rigs kyi bu de skad ma zer cig /gzhon nu de ni sprul pa yin te/ dam pa'i chos sun 'byin pa rnams tshar gcad pa dang bskrad par bya ba'i phyir
37b5 gnod sbyin gyi rgyal po lag na rdo rjes de ltar bstan par zad kyi/ dam pa'i chos sun phyung yang rung 'dod chen pa yang rung ste gsad du mi rung ngo / /rgyu sogs pa'i srog gcod pa ni byed mi phod do/ /rigs kyi bu gzhan yang ji ltar rgyal po
37b6 'am/ blon po chen po dag dam pa'i chos sun 'byin pa brlag par byed pa de bzhin du nga ni brlag par bya zhes mi zer mod kyi de dag nyid kyi chos ma yin pa'i 'bras bu mngon sum du smin par zad do/ /de bzhin gshegs pa thams cad
37b7 mkhyen pa ni de rnams kyi don du mi 'jigs pa sbyin zhing 'od zer gcig gam gnyis gtong bar mdzad de/ gal te 'od zer des de dag la ma phog na ni 'chi bar 'gyur te der de bzhin gshegs pas ci byar yang med do/ /rigs kyi bu
37b8 gzhan yang gal te khyod kyis brtag dka' ba blta bar nus pa lta na ngas khyod la rgyu gzhan yang bstan par bya ste/ yul so so na tshul khrims dang cho ga dang yon tan rnams tha dad pa yod la/ der de bzhin gshegs pa yongs su mya
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo