rKTs

e-texts navigator

Volume

Page

37a₁ 'du shes bsgom par bya'o/ /de ltar bsgoms na 'tshe ba thams cad spong bar 'gyur la/ byams pa chen po dang / snying rje chen po dang / dga' ba chen po dang / btang snyoms chen po dang ldan par 'gyur zhing /
37a₂ srog gcod pa spong bar 'gyur ba dang / chos spyod par 'gyur ro/ /rigs kyi bu gzhan yang sems can dpag tu med pa dag bslab pa'i gzhi la 'god par 'gyur/ dge ba bcu'i las kyi lam la yang 'god par 'gyur ro/ /gal
37a₃ te nus na sems can dmyal ba dang / lha ma yin dang / gshin rje'i 'jig rten dang / dud 'gror skye ba rnams dang / las mi bzad pa byed pa'i sems can rnams nges par bsgral ba'i phyir 'gro ba thams cad kyi rjes su 'jug par
37a₄ byed cing / grol nas gzhan dgrol bar bya'o snyam nas de la 'dzin pa dang dran pa'i sems dang ldan par 'gyur te/ legs par byas pa'i rnam par smin pa dang / rgyu dang 'thun pa des na byang chub sems dpa' sems dpa' chen po
37a₅ rnams mchog tu tshe ring bar 'gyur la/ ye shes kyi dbang phyug tu 'gyur zhing 'chi ba med par 'gyur ro/ /de nas bcom ldan 'das la byang chub sems dpa' sems dpa' chen po 'od srung chen po dang rus gcig pas 'di skad ces
37a₆ gsol to/ /bcom ldan 'das byang chub sems dpa' sems dpa' chen pos ci las bsams te sems can thams cad la bu gcig pa'i 'du shes bsgom par bgyi/ bka' stsal pa/ de'i don ji lta bu lags/ bcom ldan 'das
37a₇ gal te byang chub sems dpa' sems dpa' chen pos sems can thams cad la bu gcig pa'i 'du shes bsgom par bgyi 'tshal na tshig de ni mi 'dod par bgyi ba lags so/ /de ci'i slad du zhe na/ bcom ldan 'das bstan pa 'di la
37a₈ sems can kha cig tshul khrims 'chal pa/ mtshams ma mchis par bgyid pa dang dam pa'i chos sun 'byin pa dag kyang mchis na ci lags sems can de lta bu dag la yang bu gcig pa'i 'du shes bsgom par bgyi lags sam/

_{iiif viewer powered by OpenSeadragon}

36b - 37b

Texts on this page