rKTs

e-texts navigator

Volume

Page

30b₁ nga rgyal gyis dregs par ma byed cig / de ltar rnam pa gsum bsgoms par gyur na ni nga'i bstan pa la khyed kyis bsgom pa rnam pa gsum bsgoms pa de bsgom pa don med par 'gyur ro/ /sdug bsngal shes par bya ba bsgom pa rnam pa gsum po
30b₂ ni khyad par dang khyad par gyi yang khyad par ro/ /sdug bsngal la bde'o snyam du 'du shes pa ni phyin ci log pa'o/ /bde ba la sdug bsngal lo snyam du 'du shes pa ni phyin ci log pa'o/ /mi rtag pa la rtag go snyam du 'du shes pa ni phyin ci log pa'o/ /
30b₃ rtag pa la mi rtag go snyam du 'du shes pa ni phyin ci log pa'o/ /bdag med pa la bdag tu 'du shes pa ni phyin ci log pa'o/ /bdag yod pa la bdag med par 'du shes pa ni phyin ci log pa'o/ /mi sdug pa la sdug go snyam du 'du shes pa ni phyin
30b₄ ci log pa'o/ /sdug pa la mi sdug go snyam du 'du shes pa ni phyin ci log pa ste/ phyin ci log bzhi po 'di dag yang dag par ma shes par khyed kyis bsgom par bya ba bsgoms te mang du byas so/ /khyed kyis bde ba la sdug bsngal bar bsgoms
30b₅ so/ /rtag pa la mi rtag pa dang / bdag yod pa la bdag med pa dang / /sdug pa la mi sdug par bsgoms so/ /'jig rten pa rnams la yang bde ba dang / bdag dang rtag pa dang / sdug pa rnams yod do/ /'jig rten las 'das pa
30b₆ rnams la yang bde ba dang / bdag dang / rtag pa dang / sdug pa rnams yod de 'di la phan tshun mi mthun pa yod do/ /yi ge zhes bya ba ni 'jig rten pa zhes bya ba'i tha tshig go/ /don ces bya ba ni 'jig rten las
30b₇ 'das pa'i ye shes so/ /de nas bcom ldan 'das la dge slong rnams kyis 'di skad ces gsol to/ /bcom ldan 'das 'du shes bzhi la sogs pa phyin ci log de bzhin gshegs pas lugs su bzhag pa rnams ni bdag cag gis yun
30b₈ ring mo zhig nas mthong yang mthong / bsgoms kyang bsgoms lags na/ da ji ltar 'tshal ba bka' stsal du gsol/ /de bzhin gshegs pa bskal pa'am/ bskal pa las lhag par yang bzhugs su gsol/ de bzhin

_{iiif viewer powered by OpenSeadragon}

30a - 31a

Texts on this page