| e-texts navigator |
| བོད་ཡིག |
2a1 cad kyi rang rang gi yul gyi skad du shin tu zur phyin par don brda sprod pa'i tshig rnams kyis/ srid pa'i rtse mo man chad go bar mdzad de/ deng de bzhin gshegs pa dgra bcom pa yang dag
2a2 par rdzogs pa'i sangs rgyas 'jig rten thams cad la thugs brtse ba can/ 'jig rten thams cad skyob pa/ sems can thams cad la sgra gcan zin dang 'dra bar gzigs pa skyabs chen po'i gnas dang gzhi bor gyur
2a3 pa thub pa chen po yongs su mya ngan las 'das par 'gyur ro zhes bka' stsal te/ sems can thams cad kyi zhu ba lung bstan pa tha ma la de lta bu'i gsung rnams byung bar gyur to/ /gzhan yang de'i tshe bcom ldan 'das
2a4 nyid kyi zhal nas 'od zer sna tshogs 'di lta ste/ sngon po dang ser po dang dmar po dang dkar po dang shel gyi kha dog dang rdo'i snying po'i kha dog lta bu dag byung ste/ 'od zer de dag gis stong gsum gyi stong chen po'i 'jig rten
2a5 gyi khams dang phyogs bcu'i sangs rgyas kyi zhing thams cad du/ sems can dmyal ba dang dud 'gro dang yi dags dang lha ma yin dang gshin rje'i 'jig rten gyi sems can de dag la phog nas/ de'i mod la nyon mongs pa'i
2a6 mun pa thams cad dang ngan song dang / mi khom pa thams cad rgyun chad par gyur to/ /de nas mya ngan chen pos non te tshig 'thun par kye ma khebs so khebs so zhes kyang zer to/ /kyi hud kyi hud ces kyang skad cher 'bod cing
2a7 lag pa brkyang bas kyang mgo bo la rdobs shing lus 'dar zhing shin tu ngu'o/ /de'i tshe sa chen po nags tshal dang bcas ri dang bcas pa'i rgya mtsho'i mthas gtugs pa yang rab tu g.yos te/ sems can de dag kyang gcig
2a8 la gcig 'dzin cing / 'di skad du grogs po dag rings grogs po dag rings/ gyad yul gyi grong khyer ku shir 'dong ngo 'dong ngo / /de bzhin gshegs pa'i zhabs la phyag 'tshal te/ yongs su mya ngan las
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo