| e-texts navigator |
| བོད་ཡིག |
28b1 gyi bdud rtsi'i zas kyang de dang 'dra bar blta bar bya'o/ /sems can thams cad dang nga'i sras dge slong thams cad la dam pa'i chos mang po brtan por bzhag go/ /gzhan yang sems can thams cad la phan pa'i phyir de bzhin gshegs pa'i yon
28b2 tan che ba nyid bsgrags te/ yi ge 'bru gcig pa'i thig le'i gtam yang bzhag nas yongs su mya ngan las 'da' bar bya'o/ /de nas dge slong de dag gis de bzhin gshegs pa yongs su mya ngan las 'da'o zhes thos nas mi dga' bar gyur te/ skyi
28b3 bung zhes byas nas mig mchi mas gang bzhin du bcom ldan 'das kyi zhabs la mgo bos phyag 'tshal te/ bcom ldan 'das la lan mang du bskor ba byas nas bcom ldan 'das la 'di skad ces gsol to/ /bcom ldan 'das kyis sdug bsngal
28b4 ba dang / mi rtag pa dang / bdag med pa dang / rjes thams cad kyi nang na glang po che'i rjes mchog yin par bstan to zhes gsungs te/ de ltar mi rtag pa'i 'du shes brten cing bsgoms te mang du bgyis pas 'dod pa'i 'dod chags thams cad
28b5 zad par 'gyur/ gzugs kyi 'dod chags thams cad zad par 'gyur/ gzugs med pa'i 'dod chags thams cad zad par 'gyur/ ma rig pa thams cad zad par 'gyur/ lhag pa'i nga rgyal thams cad ma lus pa yang dag par chad par
28b6 'gyur ba lags so/ /bcom ldan 'das dper gsol na ston gyi dus su zhing pas rmos cher btab ste rtsa ba 'dzings pa thams cad sel bar bgyid pa de bzhin du/ bcom ldan 'das mi rtag pa'i 'du shes bsten cing bsgoms te mang du bgyis pas
28b7 'dod pa'i 'dod chags thams cad zad par 'gyur/ gzugs kyi 'dod chags thams cad zad par 'gyur/ gzugs med pa'i 'dod chags thams cad zad par 'gyur/ ma rig pa thams cad zad par 'gyur/ lhag pa'i nga rgyal thams cad
28b8 ma lus par yang dag par zad par 'gyur ro/ /zhing slas thams cad kyi nang na ni ston gyi zhing slas mchog tu bstan to zhes bya ba la sogs pa glang po che'i rjes lta bu'i mdo las 'byung ba bzhin du rgyas par sbyar ro/ /bcom ldan 'das dper
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo