| e-texts navigator |
| བོད་ཡིག |
27b1 rtsi'i bcud kyis tshim par mdzad cing de bzhin gshegs pa yun ring du bzhugs su gsol/ ji ltar rgyal po'i btson rar gnod pa'i las rnams kyis dang po snyon smongs pa na/ la la zhig gis khyod kyis na tsha ji lta bu zhig myong
27b2 zhes smras na/ des de la smras pa/ de ni de bzhin te/ gang gi tshe bdag sdug bsngal gyi tshor ba las thar bar 'gyur ba de'i tshe mya ngan las 'das pa yin te/ bde ba nyams su myong bar 'gyur ro zhes mchi ba de bzhin du bdag cag
27b3 thams cad kyang khyod bzhugs na rgyal po'i btson ra nas thar ba bzhin du mya ngan las 'das pa lags na/ de'i slad du de bzhin gshegs pa yun ring du bzhugs su gsol/ bcom ldan 'das dper gsol na sman pa tshe'i rig byed yan
27b4 lag brgyad la mkhas pas bdag gi bu la ni rgyud phyi ma slob par bgyid kyi/ slob ma la ni bdag dang mnyam par 'gyur du dogs nas slob par mi bgyid pa de bzhin du chos kyi rgyal po sman pa chen po ser sna mi mnga' ba khyod kyis theg pa chen po'i
27b5 rgyud phyi ma la de ltar mi mdzad par bcom ldan 'das yun ring du bzhugs su gsol/ de bzhin du shing rta pa shing rta'i rig byed la mkhas pas bdag gi bu la ni rgyud phyi ma sgra grag par phog pa'i dpyad thams cad slob par bgyid kyi/ slob
27b6 ma la ni slob par mi bgyid pa dang / rig pa'i gnas gzhan dag la yang de bzhin du sbyar ro/ /bcom ldan 'das dper gsol na byis pa dang rgan po 'am nad pa la la zhig lam bzang po las gol te lam ngan par mchis na shin tu
27b7 sdug bsngal bar 'gyur ba de bzhin du/ bcom ldan 'das sems can lam ngan par mchis pa rnams lus dang bral ba'i 'og tu sems can dmyal ba rnams su sdug bsngal myong bar 'gyur lags na/ bcom ldan 'das lam
27b8 ston pa yun ring du bzhugs su gsol/ ya mtshan can dgu bcu rtsa drug dang / tshigs su bcad pa bzhi bcu rtsa lnga la yang de bzhin du rgyas par sbyar ro/ /de nas de'i tshe bcom ldan 'das kyis dge slong rnams la bka' stsal pa/
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo