| e-texts navigator |
| བོད་ཡིག |
26b1 blta ba de ni bdag cag sbrang bu dang 'dra ba rnams kyi yul yang ma lags/ nyan thos dang rang sangs rgyas kyi yul yang ma lags so zhes gsol to/ /de nas mya ngan byed cing ngu bzhin du g.yog 'khor dang bcas pas bcom ldan 'das la bskor
26b2 ba byas te mchod pa chen po'i las byas nas bcom ldan 'das dang 'jam dpal gzhon nur gyur pa la phyag 'tshal te zhal zas len du song ngo / / // bam po gsum pa/ de nas de'i tshe sa chen po g.yos rab tu g.yos/
26b3 'gul rab tu 'gul/ 'khrugs rab tu 'khrugs/ 'khor rab tu 'khor/ 'ur 'ur rab tu 'ur 'ur/ shig shig rab tu shig shig /mer mer rab tu mer mer/ ldem ldem rab tu ldem ldem mo/ /de la sogs pa byas te mi mkhris
26b4 pa'i nad kyis brgyal ba'i gnod pas thebs pa bzhin du sa chen po 'di rgya mtsho dug can pa'i mthas gtugs pa tshangs pa'i 'jig rten man chad thog thag tu rab tu g.yos so/ /de nas lha dang lha ma yin dang mi de dag thams cad mgo rmongs te/
26b5 'jigs shing skyi bung zhes byas nas ngu bzhin du tshig 'thun par tshigs su bcad pa 'di dag gsol to/ /mgon po khyod la bdag cag rnams/ /mgo bos phyag 'tshal gsol ba 'debs/ /rgyal ba khyu mchog khyod dang ni/ /bral na bdag cag
26b6 mgon med 'gyur/ /deng khyod mya ngan 'da' 'gyur 'di bsams na/ /bdag cag sdug bsngal shin tu gting zab bying / /thub pa bdag cag snying ni stor bar gyur/ /ba bzhon rkun khyer be'u la chags pa bzhin/ /mgon med dbul po'i mi
26b7 ni la la zhig / nad kyis thebs la sman pa med pa dang / /rang dgar byed cing kha zas gnod pa rnams/ /za ba ji ltar 'chi bar 'gyur ba bzhin/ /skye bo 'di dag nyon mongs nad kyis thebs/ /khyod med khyod kyi chos kyi gsos med pas/ /
26b8 lta ba'i nyes pa byed 'drar 'chi bar 'gyur/ /de bas phan phyir 'jig rten ma dor cig /ji ltar grong khyer rgyal dang bral ba dang / /dbul po rnams la mu ge byung ba dang / /ji ltar dgon par skom gyis gdungs pa bzhin/ /khyod 'das 'og tu
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo