| e-texts navigator |
| བོད་ཡིག |
26a1 chos thams cad ni 'du byed dang 'dres pa'i phyir sdug bsngal ba'o snyam du rtogs shig /chos thams cad ni bdag med pa'o snyam du dpyod cig /mi brtan pa/ brnyan ma/ phyin ci log pa'o snyam du soms shig /
26a2 lus 'di ni nyes dmigs mtha' yas pa dang ldan pa'o snyam du shes par gyis shig /'di ni dbu ba dang 'dra bar ltos la ma ngu shig /yi ma chad cig /de nas bcom ldan 'das la skul byed kyis 'di skad ces gsol to/ /bcom
26a3 ldan 'das de ni de bzhin du mjal lags na ha cang sdug bsngal chen po mi bzod lags so/ /bcom ldan 'das thabs kyis yongs su mya ngan las 'da' bar mdzad pa la ni bdag glo ba rangs lags so/ /bcom ldan 'das kyis bka' stsal
26a4 pa/ skul byed legs so legs so/ /rigs kyi bus ni nga'i mya ngan las 'das pa thabs de ltar blta bar bya'o/ /skul byed sangs rgyas gshegs pa ni bya gzhad gzas la 'gro ba lta bur shes par gyis shig /skul byed tshe ring ba dang tshe
26a5 ring ba ma yin pa'i rtags shes par gyis shig / skul byed chos thams cad ni sgyu ma'i chos can no/ /de bzhin gshegs pa ni chos thams cad la thabs kyi chos can yin la de rnams kyis kyang gos par mi 'gyur ba de ni sangs rgyas bcom
26a6 ldan 'das rnams kyi rang bzhin no/ /skul byed khyod srid pa'i rgya mtsho las nges par rgal bar bya ba'i phyir zhal zas smyur te 'on cig /lha dang lha ma yin dang mi rnams kyis kyang nga la rang rang gi mchod pa byas nas mi g.yo ba'i bde ba thob par gyur
26a7 cig / khyod kyis kyang snod du gyur pa la dus su sbyin pa gyis shig /ma thogs shig /snod du gyur pa dang nga dang de bzhin gshegs pa zhes bya ba ni don tha dad pa ma yin no/ /de nas skul byed kyis kyang sems can thams cad nges par bsgral ba'i phyir mgo
26a8 smad de mchi ma blags nas gsol pa/ legs so legs so/ /legs so legs so/ /bcom ldan 'das kyis ji skad bka' stsal pa de bzhin du bdag gis bgyi'o/ /de bzhin gshegs pa yongs su mya ngan las 'das pa'i 'og tu ji ltar
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo