| e-texts navigator |
| བོད་ཡིག |
25b1 phog go/ /de nas 'jam dpal gyis de rtogs nas mgar ba'i bu skul byed la smras pa/ skul byed/ de bzhin gshegs pa yongs su mya ngan las 'da' bar rings kyis/ dus su bcom ldan 'das la bshos 'drim du chug shig /ma
25b2 thogs shig / rgyu med par bcom ldan 'das kyi zhal nas 'od zer rnams 'byung bar mi 'gyur ro/ /de nas skul byed cang mi zer bar 'dug go/ /de nas bcom ldan 'das kyis skul byed la 'di skad ces bka' stsal to/ /skul byed nga yongs su mya
25b3 ngan las 'da' bar 'gror nges/ dge slong gi dge 'dun la dus su zas 'drim du chug shig ces lan gnyis lan gsum du bka' stsal to/ /de nas skul byed kyis 'di skad smras so/ /kye ma bcom ldan 'das mi bzhugs na ni 'jig rten
25b4 stongs par 'gyur ro/ /bdag cag thams cad kyis ngu zhing bcom ldan 'das la gsol ba gdab bo/ /de nas bcom ldan 'das kyis skul byed la 'di skad ces bka' stsal to/ /skul byed ma ngu shig /de ltar lus la rma ma 'byin cig /
25b5 mi'i lus la chu shing bzhin du snying po med par rtogs shig /smig rgyu ba dang / dbu ba rdos pa dang / sgyu ma dang / rdza mkhan gyis byas pa'i snod dang / glog lta bur khong du chud par gyis shig /'dus byas ni nyes pa grangs med pa'i 'byung gnas
25b6 yin no snyam du shes par gyis shig / 'dus byas kyi rang bzhin la ltos shig /de nas bcom ldan 'das la skul byed kyis 'di skad ces gsol to/ /bcom ldan 'das bdag dang sems can thams cad la thugs brtse ba'i slad du/ de
25b7 bzhin gshegs pa yun ring du bzhugs su mi gnang na bdag ci'i slad du mi ngu lags/ 'jig rten stongs kyis ma mchis so/ /de nas bcom ldan 'das kyis skul byed la 'di skad ces bka' stsal to/ /nga ni khyod la snying brtse ba dang sems can
25b8 thams cad la snying brtse ba'i phyir yongs su mya ngan las 'da' bar byed de 'di ni sangs rgyas rnams kyi chos nyid dang 'dus byas kyi chos nyid do/ /'du byed thams cad mi rtag go zhes bya ba'i tshigs su bcad pa khong du chud par gyis shig /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo