rKTs

e-texts navigator

Volume

Page

24a₁ byas par mthong na bdag nyid kyis don du bya ba'i thar pa'i don rtogs par 'gyur ro/ /btsun pa 'jam dpal dper na mi la la zhig lam du 'gro bas dub par gyur te khyim gyi nang du nyal ba las de'i tshe khyim de thog thag nas me
24a₂ chen po 'bar te/ mi de mes tshig na da ni srog med zin no snyam nas ngo tsha shes pa dang khrel yod pa dang ldan pas bdag nyid gos kyis dam du dkris te sems dran pa dang ldan bzhin du shi nas de ngo tsha shes shing khrel yod par sems pa'i bsod
24a₃ nams kyi 'bras bus sum bcu rtsa gsum pa'i rgyal srid ni lan brgyad bcu byas/ tshangs pa'i rgyal srid ni lan 'bum byas/ mi'i 'jig rten du yang 'khor los sgyur ba'i rgyal srid la lan du ma byas te ngan song rnams su yang mi skye la lan mang du bde
24a₄ ba gcig nas gcig tu brgyud pa 'ba' shig thob pa de bzhin du/ 'jam dpal khyod skyes bu dam pa dag ltar mdzem par gyis shig /ngo tsha shes par gyis shig /de bzhin gshegs pa 'du byed kyi thabs la 'jug pa spyod du ma gzhug shig /
24a₅ dge slong tshul khrims phun sum tshogs pa de bzhin gshegs pa 'dus ma byas pa la de bzhin gshegs pa 'dus byas yin no zhes zer bas ni mu stegs par gyur te shi yang bla'o/ /de bzhin gshegs pa 'dus ma byas yin bzhin du de bzhin
24a₆ gshegs pa 'dus byas yin no zhes zer ba gang yin pa de dag ni brdzun du smra ba yin no/ /de bzhin gshegs pa 'dus byas pa yin no zhes zer ba rnams ni rang gi khyim dang 'dra bar sems can dmyal bar 'gro bar 'gyur ro/ /btsun pa 'jam
24a₇ dpal de bzhin gshegs pa la 'dus byas dang 'dra bar ma lta zhig / da phyin cad 'khor bar rgyu ba na mi shes pa la bzlas te bcom ldan 'das ni 'dus ma byas pa'o snyam pa'i shes pa 'ba' shig rtogs par gyis shig /de ltar byas pa dang
24a₈ bsgom pa de'i 'bras bus khyod myur ba kho nar de bzhin gshegs pa bzhin du mtshan sum bcu rtsa gnyis dang ldan par 'gyur ro/ /de nas 'jam dpal gzhon nur gyur pas/ mgar ba'i bu skul byed la 'di skad ces smras so/ /legs

_{iiif viewer powered by OpenSeadragon}

23b - 24b

Texts on this page