| e-texts navigator |
| བོད་ཡིག |
23b1 thams cad kyis brnyas par 'gyur ro/ /chos thams cad kyi nang na ni phyir ltung ba med cing zad pa med pa la thar pa zhes bshad na gal te de ltar gyur na don med par gyur gyis/ btsun pa 'jam dpal de bzhin gshegs pa 'du byed du gyur ces
23b2 de skad du ma gsung shig / dper na bud med gzhon nu dbul mo/ bkren ma mgon med pa/ nad kyis thebs pa/ bar ma dor sdug bsngal bar gyur pa/ sbrum pas nyen pa zhig mgon med pa khang pa zhig tu song ba las bu mo de bu byung nas de na snga nas
23b3 gnas pa gzhan dag gis de de'i nang nas bskrad de nyon mongs ma de bu btsas ma thag tu byis pa kha dmar khyer nas lo legs pa'i yul zhig tu chas te/ song ba las lam du sha sbrang dang / sbrang bu dang / rlung dang nyi tshan dang / sdig sbrul gyi
23b4 gnod pas nyen par gyur te/ gang gA'i klung chen po rgal bar 'dod pa las de rgal bar ma nus so/ /khye'u de khyer bzhin du gang gA'i nang du shi nas de bu de la byams pa'i bsod nams kyi khyad par gyis lus dang bral te shi ba'i 'og tu tshangs pa'i 'jig rten
23b5 du skyes te/ byams pa'i bsod nams kyi khyad par ji lta bu zhig gis skyes zhe na/ bdag ni shi yang bla'i khye'u 'di nye zho med par thar bar bya'o snyam pa'i bsod nams kyi khyad par gyis skyes pa de bzhin du btsun pa 'jam dpal skyes bu dam pa dam pa'i
23b6 chos dbyung bar 'dod pas/ de bzhin gshegs pa 'du byed du gyur par blta bar mi bya zhing 'du shes kyang bsgyur bar mi bya'o/ /gal te de lta bu'i mig lus la med na yang / bcom ldan 'das ni bsam gyis mi khyab po snyam du yang dag pa'i lta
23b7 ba can du bya'o/ /sems can thams cad la phan pa'i gdams ngag ston pas ni de bzhin gshegs pa 'dus ma byas pa yin no zhes bstan par bya'o/ /dam pa'i chos 'byin par byed pas ni ji ltar bud med gzhon nu dbul mos gang gA'i
23b8 klung las bu bsgral ba'i phyir rang gi srog dang bsdos te 'bad pa de bzhin du bya'o/ /dam pa'i chos dbyung ba'i thabs bya ba'i phyir de bzhin gshegs pa ni 'dus ma byas pa'o snyam du sems bskyed par bya'o/ /de bzhin gshegs pa 'dus ma
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo