rKTs

e-texts navigator

Volume

Page

187b₁ yang nga la lung ma bstan te/ thob pa yod pa spyad pa'i phyir ro/ /de lta bur gcig nas gcig tu sangs rgyas 'od mi 'gyur dang phrad pa la thug na/ gdod skye ba med pa'i bzod pa thob nas nga la lung bstan pa/ khyod ma 'ongs pa'i dus bskal pa grangs med pa 'das pa
187b₂ na/ sangs rgyas byed pa thob pa ste/ mtshan shAkya thub pa yang dag par gshegs pa gsol bzhengs rigs drang khyab mkhyen snang mdzad zhabs bde gshegs 'jig rten bkrol bla na med pa'i dra ma gdul thul skyes bu lha dang mi'i mkhan sangs rgyas bcom ldan 'das
187b₃ shes bsgo'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag bcu gnyis yod de kun gyi ming spyi bo skyes shes bya'o/ /yang shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag sum cu
187b₄ yod de kun gyi ming ma tha ma zhes bya'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag bzhi bcu yod de/ kun gyi ming zhing 'byi zhes bya'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po
187b₅ gcig khri zhig yod pa kun gyi ming mngon snang zhes bya'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po nyi khri zhig yod de ming mkhan so so tha dad do/ /shA ri'i bu ngas bsams pa 'das pa'i dus na 'khor lo 'phrul gyi rgyal
187b₆ po 'bum phrag bcu drug yod pa ming mkhan kun so so tha dad do/ /rgyal po dag la sogs pa ngas gud na dga' bo dag la bshad do/ /shA ri'i bu khyod kyi yid la ji snyam/ rgyal po 'di rnams mi gzhan gyi ma yin gyi nga nyid kyi lus yin no/ /shA ri'i bu ngas
187b₇ bsams pa snga ma 'das pa'i tshe dus na sangs rgyas zhig yod pa mtshan dge snang zhes bya ste/ byang chub sems dpa' byams pa'i tshe 'khor lo 'phrul gyi rgyal po byas nas/ ming mngon snang zhes bya ste/ thog ma bla na med pa byang chub kyi sems bskyed pa de'i tshe sems can
187b₈ tshe lo brgyad khri bzhi stong thub ste/ sangs rgyas dge snang des lan gsum bsdus te chos bshad na/ thog ma bsdus pa la mi 'bum phrag dgu bcu rtsa drug cig char lam thob bo/ /de'i 'og tu phal po che bsdus pa la mi 'bum phrag dgu bcu rtsa bzhi cig car lam

_{iiif viewer powered by OpenSeadragon}

187a - 188a

Texts on this page