| e-texts navigator |
| བོད་ཡིག |
17b1 de dang 'jig rten gyi khams de mthong ngo / /de nas 'jam dpal gzhon nur gyur pas 'khor de dag la 'di skad ces smras so/ /ji ltar khyod kyis 'jig rten gyi khams 'di dang / de bzhin gshegs pa 'di mthong ba de bzhin du phyogs
17b2 bcu'i de bzhin gshegs pa rnams dang 'jig rten gyi khams gzhan dag kyang ltos shig / de bzhin gshegs pa rnams ni 'di ltar bdag nyid che ba yin te rang rang gi gnas na bzhugs bzhin du yang khyed la zhal ston par mdzad do/ /
17b3 'khor de dag gis smras pa/ kye ma de bzhin gshegs pa de ltar bdag nyid che ba yang yongs su mya ngan las 'da' bar 'gyur ba lta kyi hud ces bla zhing 'khod do/ /de nas byang chub sems dpa' sems dpa' chen po lus chen
17b4 mtha' yas byang chub sems dpa' dpag tu med pa dag gis bskor ba yang mthong ste/ byang chub sems dpa' de'i lus kyi ba spu'i khung bu re re nas pad ma chen po byung ngo / /pad ma chen po re re la yang grong khyer bdun khri brgyad
17b5 stong bdun khri brgyad stong yod la grong khyer de dag kyang yul yangs pa can gyi thag gru tsam sha stag ste/ rin po che sna bdun gyi ra ba dang 'obs bdun rim gyis bskor la shing ta la'i phreng ba bdun rim gyis mdzes par byas pa
17b6 sha stag ste/ 'byor pa dang rgyas pa dang bde ba dang ldan zhing dga' dga' ltar 'dug la ra ba de dag kyang 'dzam bu chu bo'i gser gyi ba gam chen po sha stag gis bskor te/ ba gam thams cad kyi bar bar na yang shing ljon pa gzhon sha can
17b7 'bras bu dang me tog dang ldan pa sna mang po dag yod do/ /shing ljon pa de dag gi yal ga rlung gis bskyod pa las kyang sil snyan dga' bar byed pa'i sgra snyan cing chags su rung ba 'byung ba sna lnga lnga sgrogs te/ sgra de dag gis sems can de
17b8 dag rtse zhing dga' la dga' mgur spyod do/ /'obs de dag thams cad kyang chu bsil zhing shel bzhin du dang ba dag gis gang bar 'dug ste/ de dag gi nang kho ra khor yug tu sems can de dag rin po che'i gru dag gis dga' zhing rgyu bar byed do/ /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo