| e-texts navigator |
| བོད་ཡིག |
17a1 sogs pa lha rnams kyis sa gzhi de lta bur gyur pa mthong nas skyi bung zhes byas te 'jigs shing kha dang lkog ma skams nas 'bros par chas te rang rang gi 'od kyang mi mthong zhing 'od nyams par gyur to/ /de nas 'khor de nyid
17a2 kyi nang nas 'jam dpal gzhon nur gyur pa langs te lha'i tshogs de dag la 'di skad ces smras so/ /grogs po dag ma 'jigs shig ma 'jigs shig /shar phyogs logs su 'jig rten gyi khams gang gA'i klung grangs med pa gtams
17a3 phrag dkrigs kyi bye ma'i rdul phra rab grangs med pa snyed 'das pa na 'jig rten gyi khams yid 'phrog sgra snyan mu tug ces bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas nam mkha' dang mnyam
17a4 pa zhes bya ba da ltar bzhugs la 'tsho zhing gzhes te/ de bzhin gshegs pa des rang gi sras kyi thu bo nyan thos la bos te bka' stsal pa/ rigs kyi bu khyod mi mjed kyi 'jig rten gyi khams su song la/ de na de bzhin gshegs pa dgra bcom
17a5 pa yang dag par rdzogs pa'i sangs rgyas shAkya thub pa zhes bya ba yongs su mya ngan las 'da' bar 'gyur gyis/ de dge slong gi dge 'dun dang bcas pa la zhal zas kyi tha ma phul la/ khyod kyi the tshom dang yid gnyis ci dang ci yod pa
17a6 de dag kyang legs par zhus shig dang des khyod la lung bstan par 'gyur ro zhes bka' stsal te/ bcom ldan 'das des byang chub sems dpa' sems dpa' chen po lus chen mtha' yas 'di btang ste/ byang chub sems dpa' grangs med
17a7 pas bskor cing mdun du bdar nas 'dir 'ongs pa de'i gzi brjid kyis khyod kyi 'od nyams par gyur to/ /de 'ong ba la rjes su yi rang bar gyis shig /de bzhin gshegs pa nam mkha' dang mnyam pas bdag cag gi de bzhin
17a8 gshegs pa la mchod pa mdzad pa la yang ltos shig ces byas so/ /de nas 'khor de dag thams cad kyis me long gi ngos la bdag gi gzugs mthong ba bzhin du 'jig rten gyi khams thag ring po na bzhugs pa'i de bzhin gshegs pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo