rKTs

e-texts navigator

Volume

Page

157b₁ ni drang po mthong ba zhes bya'o/ /yang shA ri'i bu drang po mthong ba ni ming drang po byed drang po spyod/ drang po'i lam drang po shes shes bya ste/ phyin ci log med la bden pa bzhin du mthong bas na/ yang dag par gshegs pas drang po mthong ba zhes bshad do/ /shA
157b₂ ri'i bu sems can la la zhig phyin ci log med pa bden pa bzhin du rtogs pa ni drang po mthong ba yod do/ /la la zhig bdag tu lta ba'i 'du shes dang / gang zag gi 'du shes dang / sems can gyi 'du shes skyes na/ de lta bu'i mi kun yon po'i lam du
157b₃ spyod par mngon no/ /shA ri'i bu sangs rgyas dang slob mas ni bdag tu lta ba yod par ma bshad/ gang zag yod par ma bshad/ sems can ma bshad/ tshe srog yod par ma bshad/ rtag chad ma bshad/ de lta bas na/ sangs rgyas dang / slob ma ni
157b₄ drang po mthong ba zhes bya'o/ /ci'i phyir zhe na/ drang por rtags te/ phyin ci ma log pa'i phyir ro/ /shA ri'i bu tha mal pa thams cad kyis ni 'di'i nang du 'jug nus pa med do/ /ci'i phyir zhe na/ tha mal pa thams cad la drang po mthong ba yang med do/ /
157b₅ yid bzhin 'brang ba'i drang po mthong ba 'ba' shig yod do/ /mnyen des pa'i bzod pa thob na bden pa bzhin du ma nus so/ /shA ri'i bu de'i ming drang po mthong ba dang / yon po mthong ba tha dad ces bya ste/ bden pa bzhin du mthong bas na/ ming drang po mthong
157b₆ ba zhes bya'o/ /'jig rten gyi skyid pa nor khe skye zhing 'phel ba'i zhar las mthong ba ni 'jig rten gyi drang po mthong ba yin te/ de kun brnyas bslus pa yin gyis skye shi las mi thar ro/ /shA ri'i bu sangs rgyas kyis bshad pa la 'jig rten gyis drang po mthong ba ni le lo bla
157b₇ drod dang tha ma zhan pa'i chos yin zhes bshad do/ /'dzangs shing 'phrul pa ni de lta bu'i sems mi byed de/ de drang po mthong ba yin no/ /de ni yon po mthong ba yin no/ /ci lta zhe na/ mthong ngo cog thams cad ni kun sgyu ma mi bden pa'i rkyen las langs so/ /shA ri'i
157b₈ bu 'di snyam du bsams te/ 'di ni drang po mthong ba snyam du byed na mi de ni yon po mthong ba yin no/ /shA ri'i bu 'phrul gyi chos kyi nang na mthong ngo cog gi rtsa ba'i phyi mo byung ste bcad/ smra ba'i tshig go cog gi lam bcad de/ dper na nam mkha'i nang gi lag pa dang

_{iiif viewer powered by OpenSeadragon}

157a - 158a

Texts on this page