rKTs

e-texts navigator

Volume

Page

155b₁ yang dag par gshegs pas de'i phyir bsam pa'i gnas yod ces bshad do/ /ci yang med pa'i phyir bsam pa'i gnas shes bya'o/ /sangs rgyas bsam pa'i phyir ming bsam pa'i gnas shes bya'o/ /shA ri'i bu ji ltar na ming sangs rgyas bsam pa zhes bya/
155b₂ ci yang med par mthong ba ni ming sangs rgyas bsam pa zhes bya'o/ /shA ri'i bu sangs rgyas kun ni dpag tu med/ bsam gyis mi khyab/ brjod kyis mi lang ngo / /gzhung de lta bas na ci yang med par mthong ba ni ming sangs rgyas bsam pa zhes bya ste/ bden par ming rnam
155b₃ par brtag pa med do/ /sangs rgyas chos so cog la rnam par brtags pa med pas na/ sems la rnam par brtags pa med na gdod sangs rgyas bsam pa yin zhes bya'o/ /yang gcig du na chos so cog gi bden pa'i mtshan ma mthong na ming sangs rgyas mthong
155b₄ zhes bya'o/ /gang la sogs pa'i ming chos so cog gi bden pa'i mtshan ma zhes byas na de ni chos so cog mtha' yun du stong zhing ci yang med pa'o/ /de lta bas na mtha' yun du stong zhing ci yang med pa'i chos ni sangs rgyas bsam pa'o/ /yang gcig tu na de lta bu'i
155b₅ chos kyi nang na sems cung zad yan chad kyang thob par mi rung ste/ de'i ming sangs rgyas bsam pa zhes bya'o/ /shA ri'i bu de'i ming sangs rgyas bsam pa'i chos te/ smra ba'i tshig gi lam chad la sems so cog las 'das shing byung ste/ sems thob par mi rung ba
155b₆ de'i ming sangs rgyas bsam pa'o/ /shA ri'i bu sems so cog thams cad ni kun mtshan ma stong pa zhi ba ste/ chos de bzhin du ma gal na de ni ming sangs rgyas bsam pa spyod pa sbyong ba zhes bya'o/ /kha dog spyad de sangs rgyas bsam du'ang mi rung ngo / /ci'i phyir zhe na/
155b₇ kha dog bsams gzugs blangs bro la chags na rnam par shes pa zhes bya'o/ /gzugs med/ kha dog med/ rkyen med/ rang bzhin med na ming sangs rgyas bsam pa'o/ /de lta bas na rnam par brtags pa med/ blang ba med/ dor ba med na/ sangs rgyas bsam pa yang dag
155b₈ pa yin par mngon no/ /le'u gsum ste chos bsam pa'i le'u'o// // de'i tshe shA ri'i bus sangs rgyas la gsol pa/ bcom ldan 'das ji ltar na mi gzhan la chos 'di bshad na ngan pa'i bshes gnyen zhes bgyi/ bcom ldan 'das ji lta

_{iiif viewer powered by OpenSeadragon}

155a - 156a

Texts on this page