rKTs

e-texts navigator

Volume

Page

155a₁ pa'i lan te/ de lta bas na yang dag par gshegs pas smra ba'i tshig kun yon po yin par mkhyen te/ smra ba'i tshig cung zad yan chad kyang bden par mi rung ngo / /shA ri'i bu sangs rgyas rnams kyi bla na med pa'i g.yung drung rdzogs pa'i byang chub la
155a₂ 'du shes kyang med/ sems kyang med do/ /ci'i phyir zhe na/ yang dag par gshegs pas chos la ngo bo nyid thob pa'ang med/ sems thob pa'ang med do/ /shA ri'i bu yang dag par gshegs pas/ ci'i phyir bsam pa'i gnas yod par bshad/ shA ri'i bu
155a₃ chos kyi yi ge las bshad pa/ mi la la zhig gzhi bsam pa'i gnas thob na/ mi des chos so cog gi ngo bo nyid thob par nus te/ rang gi lus thob par nus/ bdag tu lta ba thob/ gang zag thob ste/ de ni bden pa yong med do/ /chos kyi mtshan ma tha dad/
155a₄ stong pa tha dad/ stong pa bstan pa'i phyir bsam pa'i gnas bshad do/ /gzhi bsam pa'i gnas kyi ngo bo nyid la ngo bo nyid med/ gnas med/ bsam pa'ang med/ bshad pa'ang med/ 'dod chags kyang med do/ /sems kyi ngo bo nyid kyang med na sems kyi gnas med pa
155a₅ lta smos kyang ci dgos/ de bas na yang dag par gshegs pas ming sems kyi gnas shes bshad do/ /shA ri'i bu chos so cog la yang dag par ngo bo nyid de skra spu'i nyag ma bcu tshal gyi brgya cha gcig tsam zhig yod du zin na des sangs rgyas kyi tshig rnams 'jig
155a₆ rten du mi 'gyur te/ mthar chos so cog gi ngo bo nyid stong par yang mi bshad do/ /shA ri'i bu sangs rgyas kyi chos so cog ni bden par stong pa ste/ ngo bo nyid med cing mtshan ma gcig pu ste/ de ni mtshan ma med par yang dag par gshegs pa kun gyis gzigs
155a₇ so/ /yang dag par gshegs pa de'i phyir bsam pa'i gnas yod ces bshad do/ /shA ri'i bu bsam pa'i gnas ni ming gnas med/ gnas med pa'ang med ces bya'o/ /bsam pa med/ bsam pa'i las kyang med/ 'du shes med/ rnam par brtag pa'ang med/ yid
155a₈ med/ yid kyi las kyang med/ bsam pa med/ bsam pa'i las kyang med/ chos med/ chos kyi mtshan ma'ang med/ de kun 'dus gyes med pas na 'dzangs shing 'phrul ba'i ming rnam par brtags pa med ces bya ste/ de'i ming bsam pa'i gnas shes bya'o/ /

_{iiif viewer powered by OpenSeadragon}

154b - 155b

Texts on this page