rKTs

e-texts navigator

Volume

Page

154b₁ nang na 'dod pa med/ 'dod pa med pa 'ang med/ skyid pa 'ang med/ nyon mongs pa'ang med/ sems pa'ang med/ 'du shes kyang med/ spyod pa 'ang med/ stong pa'i 'du shes kyi thug gi bar du 'ang med do/ /ci'i phyir zhes byas na/ shA ri'i bu stong pa'i 'du
154b₂ shes yod du zin na bdag tu lta ba'i 'du shes yin/ sems can du lta ba'i 'du shes yin/ rtag pa'i 'du shes yin/ chad pa'i 'du shes yin no/ /ci'i phyir zhe na/ shA ri'i bu 'du shes yod pa'i phyir 'brangs na mtshan ma'o cog skyes te kun
154b₃ yon por lhung ba yin no/ /shA ri'i bu stong pa'i ming ni sems med pa ste/ de'i ming stong pa zhes bya'o/ /stong pa'i sems kyang stong pa ste/ de'i ming stong pa zhes bya'o/ /shA ri'i bu stong pa'i nang na legs pa'ang med/ nyes pa'ang med/ stong pa'i 'du shes la
154b₄ thug gi bar du 'ang med do/ /de lta bas na ming stong pa'o/ /shA ri'i bu bya ba yod pa'i chos kun ni rig par rung / shes par rung ngo / /stong pa ni rig par rung ba ma yin no/ /shes par rung ba yang ma yin/ bsam pa rung ba ma yin te/ de lta bas na ming stong
154b₅ pa'o/ /shA ri'i bu stong pa'i 'du shes ni bsam pas thob pa ma yin no/ /ci'i phyir zhe na/ stong pa 'du shes med pa'i phyir ro/ /de lta bas na ming stong pa'o/ /shA ri'i bu ci'i phyir zhe na/ stong pa'i las spyod pa bshad/ 'du shes thams cad mi sems/
154b₆ stong pa'i 'du shes la thug gi bar du 'ang mi sems pa de'i ming stong pa spyod pa zhes bya'o/ /shA ri'i bu 'du shes kyi ming sems la bsam pa yod do cog gi ming 'du shes shes bya'o/ /ci yang bsam pa med pa ni 'du shes med pa ste/ 'du shes dang bral bas
154b₇ na ming 'du shes med pa zhes bya'o/ /'du shes len pa la 'brang ba ni kun yon po mthong ba yin no/ /ci'i phyir zhe na/ shA ri'i bu 'phrul gyi chos la stong pa zhi ba thob tu 'dzin na/ kun yon po mthong bar ltung ba na tshig gis bshad pa dang / 'chad pa
154b₈ lta smos kyang ci dgos/ de lta bu'i stong pa'i chos ci spyad na bshad du rung / shA ri'i bu sangs rgyas kyis ci'i phyir skad dang tshig gis bshad pa kun ming yon po zhes bya'o/ /chos so cog la khong du chud par mi nus pa de ni kun tshig bshad pas bsgribs

_{iiif viewer powered by OpenSeadragon}

154a - 155a

Texts on this page