rKTs

e-texts navigator

Volume

Page

153b₁ pa yon por ston pa yin no/ /shA ri'i bu de lta bur ston pa ni ming ngan pa'i bshes gnyen te/ mi de lta bu'i ming la 'phya skur pa zhes bya ste mur 'dug la stong pa'o/ /mi gzhan la yon por lam gyi chos 'chad pa zhes kyang bya'o/ /shA ri'i bu de lta
153b₂ bu'i ming ngan pa ni ngas chu rngub gcig dang yon len du 'ang mi gnang ngo / /ngas ston pa ni bshad kyi slob ma ni ma bshad do/ /shA ri'i bu nga'i chos la de lta bur le lo yang skye ba ston pa mang du yod do/ /shA ri'i bu bstan pa mnod pa ni tshul khrims mnos
153b₃ te/ lo lnga'i bar du kun gtong mi phod na de lta bur bstan pa ni de la sems 'grus par spyad de/ rang la ci yang med pa thob pa yod do/ /dge slong song ste mi gsol mi 'dri ba ngas bshad pa la mi de lo lnga lon mod kyi/ 'on kyang ming yon po mthong ba ste
153b₄ mur 'dug gi chos dang 'dres shing bdud kyis bstan pa bzhin du spyod pa'o/ /shA ri'i bu dge slong la la zhig de skad du bstan pa mnos zin nas stong pa chos ci yang thob pa med ces thos nas/ mod bzhin rang gis tshor shes te/ bdag gis sngar mnos pa ni kun
153b₅ yon po mthong ba yin te/ stong pa ci yang thob pa med pa'i chos la the tsom yang med/ 'gyod pa yang med de zab tu zhugs shing thos pa med pas bdag tu lta ba dang / gang zag tu lta ba thams cad la mi rten to/ /shA ri'i bu ngas bshad pa la de lta bu'i mi ming gtsang
153b₆ dag pa'i tshangs pa spyad pa zhes bya'o/ /shA ri'i bu dge slong la la zhig gis de lta bu'i thob pa med pa'i bzod pa 'byor grub na 'phral du lhag ma med pa'i mya ngan las 'das pa mthong mod kyi/ ngas lung bstan de mi de sangs rgyas byams pa'i dus kyi tshogs pa dang po la
153b₇ 'jug go/ /de'i tshe sangs rgyas byams pa'ang shin tu dga' nas lan gsum bos te mi de sangs rgyas shAkya thub pa'i chos la ci 'ang thob pa med pa'i bzod pa'i 'byor grub pas nus so zhes bos so/ /shA ri'i bu khyim na 'dug pa'ang rung / khyim nas byung ba yang rung ste/ de
153b₈ lta bu bzod pa 'byor grub nas/ ngas mi de mya ngan las 'das pa thob pa yang dag par lung ston to/ /shA ri'i bu mi la la zhig de skad du bstan pa mnos zin nas stong pa ci yang thob pa med pa'i chos thos na rmod bzhin dngangs skrag na mi de snying rjer rung ste ra mda' med do/ /gnyen

_{iiif viewer powered by OpenSeadragon}

153a - 154a

Texts on this page