rKTs

e-texts navigator

Volume

Page

151b₁ snang ba 'ang ma yin/ mi snang ba yang ma yin/ mun pa'ang ma yin/ snang ba 'ang ma yin/ sems la mi 'dug /ngo bo nyid phyi mo nas stong pas/ bdud phebs thul bar nus/ mya ngan 'khrug pa phebs thul/ lnga phung phebs thul/ 'du mched bcu gnyis phebs thul/ khams
151b₂ bcwa brgyad phebs thul/ lnga phung yod ces 'chad pa phebs thul/ 'du mched bcu gnyis yod ces 'chad pa phebs thul/ khams bcwa brgyad ces 'chad pa phebs thul/ sems can yod ces 'chad pa dang / gang zag yod ces 'chad pa phebs thul/ tshe yod
151b₃ ces 'chad pa dang / srog yod ces 'chad pa dang / yod pa yod ces 'chad pa dang / yod pa med ces 'chad pa phebs thul lo/ /yon po chad pa thams cad phebs thul lo/ /shA ri'i bu nga'i 'phrul gyi chos 'dis 'dod chags thams cad dang / chos yod ces 'chad
151b₄ pa dang / chos so cog gi yang dag pa'i bden pa'i mtshan ma la yid mi ches ma dad pa dang / sangs rgyas kyi chos la zlog pa kun phebs thul bar nus so/ /ci'i phyir zhes byas na/ shA ri'i bu sems can la la zhig bdag tu lta bar 'chad/ gang zag tu 'chad/ sems can
151b₅ yod par 'chad/ med par 'chad/ rtag pa snyam du 'chad/ yod pa snyam du 'chad/ med pa snyam du 'chad cing chos rnams 'chad pa dang / brnyan ma'i ming du 'chad pa dang / 'chad pa kun la sangs rgyas la zlog cing gsal ba ste/ sangs rgyas dang rtsod pa'o/ /
151b₆ shA ri'i bu chos la cung zad cig thob par 'dzin pa yan chad sangs rgyas dang rtsod pa'o/ /sangs rgyas dang rtsod pa ni kun yon po'i lam du 'jug pa ste/ nga'i slob ma ma yin no/ /nga'i slob ma ma yin na mya ngan las 'das pa dang rtsod pa/ sangs rgyas dang rtsod pa/
151b₇ chos dang rtsod pa/ dge 'dun dang rtsod pa ste/ shA ri'i bu de ltar mthong ba'i mi ni ngas khyim nas byung zhing / tshul khrims gnod du ma gnang ngo / /shA ri'i bu de ltar mthong ba'i mi ni ngas chu rngub cig dang / yon len du 'ang ma gnang ngo / /shA ri'i bu mi la la zhig
151b₈ de lta bur mi dge ba'i 'dod chags kyi don bsal btang ba ni nga'i chos kyi nang du khyim nas 'byung zhing chos la ma tshol te/ mya ngan las 'das par yang mi sems/ mya ngan las 'das pa'i sems kyang mi byed/ mya ngan las 'das pa la 'ang ma chags te/ mtha'

_{iiif viewer powered by OpenSeadragon}

151a - 152a

Texts on this page