rKTs

e-texts navigator

Volume

Page

150b₁ mi kun yid ches shing shes par byas pa phyed kyis dkon no/ /shA ri'i bu yang dper pad ma'i kha chu char gyi nyag mas ri rab ri'i rgyal po spangs te nam mkha' la 'dug na/ de khyod kyi yid la ji snyam/ yod dkon nam mi dkon/ bcom ldan 'das dkon lags so/ /
150b₂ shA ri'i bu yang dag par gshegs pas bshad pa/ chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa phyed kyis dkon no/ /shA ri'i bu dper na bskal pa zad pa'i me chen pos
150b₃ bsregs pa'i tshe/ mi zhig gis mchil ma thabs gcig btabs pas me de shi bar nus/ yang thabs gcig bus pas slar 'jig rten gyi khams dang lha rnams kyi pho brang du gyur par nus pa de khyod kyi yid la ji snyam/ yod dkon nam mi dkon/ bcom ldan 'das dkon
150b₄ lags so/ /shA ri'i bu yang dag par gshegs pas bshad pa/ chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa ni phyed kyis yod dkon no/ /shA ri'i bu chu bo gang gA che zhing
150b₅ yangs pa ni dpag cing tshad gzung du med do/ /bcom ldan 'das 'di lags so/ /shA ri'i bu gnam ngos bzhi'i 'og na char pa chen po khyab par bab ste/ char pa'i thigs pa ni chu bo gang gA tsam na/ mi la la zhig gis lag pas char pa'i thig pa bzed de lhung zhing zag pa med na de
150b₆ khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par
150b₇ byas na phyed kyis yod dkon no/ /shA ri'i bu ri rab ri'i rgyal po mtho zhing che 'am mi che/ bcom ldan 'das mtho zhing che'o/ /shA ri'i bu gnam ngos bzhi'i nang na khyab par rdo chen po'i char bab ste/ kun ri rab ri'i rgyal po tsam na/ mi la la zhig gis lag pas rdo de
150b₈ dag bzed cing bsdus te/ ske tshe'i 'bras bu tsam yang lhung zhing zag pa med pa de khyod kyi yid la ji snyam/ dkon nam mi dkon/ bcom ldan 'das dkon lags so/ shA ri'i bu yang dag par gshegs pas bshad pa/ chos so cog kun la skye ba yang med/ 'gog

_{iiif viewer powered by OpenSeadragon}

150a - 151a

Texts on this page