| e-texts navigator |
| བོད་ཡིག |
14b1 ldan pa dag kyang sprul nas bcom ldan 'das ga la ba der dong ste/ bcom ldan 'das kyi zhabs la mgo bos phyag 'tshal nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol
14b2 to/ /bcom ldan 'das bdag cag ni theg pa chen po'i mdo'i sde tshan srung ba lags na bdag cag la thugs brtse ba'i slad du bdag cag gis phul ba'i zhal zas bzhes su gsol/ de skad ces gsol kyang zhal zas ma bzhes nas phyogs
14b3 gcig tu 'khod do/ / // bam po gnyis pa/ de'i rjes la mthar gyis 'dod pa na spyod pa'i lha'i ris drug po rnams kyis steng gi bar snang la mchod pa dang 'od snga ma las khyad par du spags nas/ bcom ldan 'das ga la
14b4 ba der dong ste/ de dag gi mchod pa'i nang na gdugs phal pa gang yin pa de yang kho ra khor yug tu gling bzhi pa'i khyon tsam mo/ /ba dan phal pa gang yin pa de yang rgya mtsho chen po bzhi'i mthar thug ste/ shar phyogs kyi rgya mtsho nas nub phyogs
14b5 kyi rgya mtshor thug ste/ rlung gis bskyod dam rlung gis phyar na ba dan de dag las pi bang gi sgra snyan pa khong nas 'khyil pa lta bur snyan pa dag 'byung ste/ de dag bcom ldan 'das la phyag 'tshal nas zhal zas bzhes par gsol ba btab
14b6 kyang bcom ldan 'das cang mi gsung nas re thag chad de phyogs gcig tu 'khod do/ /de'i tshe srid pa'i rtse mor skyes pa rnams ma gtogs par gong ma gong ma'i sems can gzhan gang yin pa de dag thams cad bcom ldan 'das la mchod pa
14b7 bya ba'i phyir mchod pa rgya chen po'i tshogs dang chas te lhags nas snga ma bzhin du phyogs gcig tu 'khod do/ /mi mjed kyi bdag po tshangs pa yang tshangs ris kyi lha'i bu dpag tu med pa dag gis bskor cing mdun du bdar te rang gi gzi
14b8 byin gyis lha thams cad kyi gzi byin zil gyis mnan nas mchod pa'i tshogs chen po dang chas te bcom ldan 'das kyi thad du dong ste/ de dag gi ba dan phal pa gang yin pa de yang tshangs pa'i 'jig rten nas 'phyang ste shing sa la zung gi drung
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo