| e-texts navigator |
| བོད་ཡིག |
148a1 par gtan la dbab par bstan pa'i sde rnams spangs nas sbyor ba gzhan dang ldan par gnas par 'gyur te/ 'di lta ste/ rgyal po'i gtam dang / rkun po'i gtam dang / thab mo'i gtam dang / zas kyi gtam dang / btung ba'i gtam dang / grogs
148a2 kyi gtam dang / bdag gi gtam dang / khyad par gyi gtam dang / gzhon nu'i gtam dang / grong khyer gyi gtam dang / rgya mtsho'i gtam ste/ de lta bu la sogs pa'i gtam rnams la nges par dga' bar 'gyur ro/ /dge sbyong dang bram ze rnams kyang nga'i
148a3 dam pa'i chos spong bar byed par 'gyur ro/ /chos 'dul ba 'di la btang snyoms su byed par 'gyur ro/ /gang dge slong rnams dang / dge slong ma rnams dang / dge bsnyen dang / dge bsnyen ma rnams te/ de dag kyang lus ma bsgoms pa dang /
148a4 tshul khrims ma bsgoms pa dang / shes rab ma bsgoms pa dang / 'thab par byed pa dang / mtshang 'dru zhing rtsod par smra ba la brtson par byed par 'gyur ro/ /lhung bzed bzang po dang chos gos bzang por 'gyur zhing lo brgyar bsrung bar bya ba'i phyir tshul
148a5 khrims kyang myur du 'dor bar 'gyur ro/ /'di lta ste sdig pa la nges par sems shing 'dres pas sdig pa dang yid mi bde ba la sogs pas de bzhin du lo brgyar bsags pa'i dge ba'i rtsa ba rnams kyang myur du 'jig par byed par 'gyur ro/ /kun
148a6 dga' bo nga yongs su mya ngan las 'das nas lo stong chig brgya na dge slong tshul khrims 'chal pa rnams 'byung bar 'gyur ba ni 'khor dang g.yog mang bar 'gyur ro/ /tshul khrims dang ldan pa rnams ni 'khor nyung zhing g.yog nyung bar 'gyur ro/ /
148a7 de nas tshe dang ldan pa kun dga' bo sdug bsngal ba dang yid mi bde bar gyur nas bcom ldan 'das la 'di skad ces gsol to/ /bcom ldan 'das chos 'dul ba 'di la snying por gyur pa gang lags/ bcom ldan 'das kyis bka' stsal pa/ kun
148a8 dga' bo dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / zhi gnas dang /
iiif viewer powered by OpenSeadragon
Texts on this page
J66 - 'phags pa yongs su mya ngan las 'das pa chen po'i mdo