| e-texts navigator |
| བོད་ཡིག |
147b1 nas lo brgya phrag bdun pa la ni bstan pa la mchod pa snying por byed par 'gyur ro/ /lha dang klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po dang / mi dang mi ma yin pa rnams bstan pa la
147b2 bsnyen bkur byed cing bla mar byed par 'gyur ba dang / rjed par 'gyur ba dang / mchod par 'gyur ro/ /nga'i nyan thos rnams kyang rnyed pa dang bkur sti dang tshigs su bcad pa lhur len par 'gyur ro/ /kun dga' bo nga yongs su mya ngan las 'das nas lo brgya phrag brgyad
147b3 pa la ni bstan pa la zhal ta byed par 'gyur ro/ /nga'i nyan thos rnams kyang phan tshun gnod pa byed par 'gyur zhing yi ge la sems par lta ba la mkhas pa dang / mkhan po dang slob dpon la ma gus pa dang / shes bzhin med par gnas par 'gyur
147b4 ba dang / sgyu dang ldan zhing rang nyid skyes bu ngan pa'i tshig tu smra ba dang / dge 'dun dang mchod rten gyi nor khyim na gnas pa dang / rgyal po'i pho brang du bsdu ba byas nas rnam par 'jig par byed par 'byung bar 'gyur ro/ /kun dga' bo nga yongs su mya ngan las
147b5 'das nas lo brgya phrag dgu pa la ni bstan pa las snying por byed par 'gyur ro/ /nga'i nyan thos rnams kyang khyim gyi bya ba'i las byed pa la brtson par 'gyur ro/ /zhing gi las kyi mtha' la dga' ba dang / nyo tshong la mngon par dga' ba dang / 'dod pa la rab
147b6 tu 'jug cing pho nyar gtong bas 'tsho ba bsgrub par 'gyur ba dang / le lo can du 'gyur ba dang / de bzhin gshegs pas legs par bcas pa'i bslab pa rnams bsrung bar mi 'gyur ro/ /kun dga' bo nga yongs su mya ngan las 'das nas lo stong gi ni bstan
147b7 pa la gtam gyi snying por byed par 'gyur ro/ /nga'i nyan thos rnams kyang gtam sna tshogs la mngon par dga' ba dang ldan par 'gyur zhing gang gi 'jig rten las 'das pa'i sangs rgyas kyi gsung 'di lta ste/ mdo'i sde dang / dbyangs kyis bsnyad pa'i sde dang /
147b8 lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i sde dang / chos rnam
iiif viewer powered by OpenSeadragon
Texts on this page
J66 - 'phags pa yongs su mya ngan las 'das pa chen po'i mdo