| e-texts navigator |
| བོད་ཡིག |
146a1 ces bya ba'i tshigs su bcad pa 'di bstan to/ /de nas bcom ldan 'das la byang chub sems dpa' sems dpa' chen po 'od srung chen po dang rus gcig pas 'di skad ces gsol to/ /bcom ldan 'das thams cad ma lus pa
146a2 ji lta bu lags/ thams cad ces bgyi ba yang ji lta bu lags/ bka' stsal pa/ ma lus pa'i don ni dge ba'i phyogs thams cad rtag pa'o bde ba'o zhes bya ba lta bu'o/ /de ltar na kha cig ni lhag ma yod pa'o/ /kha cig ni lhag ma
146a3 med pa yin par chos 'dod pa'i rigs kyi bus rigs par bya'o/ /gsol pa/ kye ma de bzhin gshegs pa ni sems can thams cad la sgra gcan zin bzhin du gzigs pa lags te bdag shin du rangs lags so/ /bka' stsal pa/ rigs
146a4 kyi bu legs so legs so/ /de ltar cha phra bar rtag dgos so/ /gsol pa/ bcom ldan 'das da ni yongs su mya ngan las 'das pa chen po'i mdo chen po'i bsod nams ji ltar skye ba bka' stsal du gsol/ bka' stsal pa/ sangs rgyas kyi yul
146a5 'di ni bsam gyis mi khyab pa'i phyir nyan thos dang rang sangs rgyas thams cad kyis kyang mdo sde 'di'i ming yang tshig tsam du yang nyan pa rnams la brjod par mi nus so/ /de nas bcom ldan 'das la lha dang mi dang lha ma yin rnams kyis tshig 'thun par
146a6 tshigs su bcad de gsol pa/ sangs rgyas bsam yas bsam yas chos gsung ba/ /chos dang dge 'dun rtag tu khyod la rten/ /de phyir dge slong 'od srung kun dga' bo/ /ma mchis bar du mgon po bzhugs par gsol/ /bi te ha yi rgyal po ma
146a7 skyes dgra/ /khyod kyi mdza' mchog thugs 'dra che ba yang / /da dung ma mchis mthar thug khyod ma gshegs/ /kun mkhyen khyod kyis bdag cag the tshom chod/ /de nas bcom ldan 'das kyis de dag la 'di skad ces bka' stsal to/ /nga'i sras
146a8 mchog thu bo 'od srung dang / /blo ldan kun dga' khyod kyi the tsom gcod/ /khyod kyis nga'i zhal ltos rtag pa dang / /mi rtag shes byos mya ngan ma byed cig /de nas 'khor de dag thams cad kyis bcom ldan 'das la mchod pa chen po byas te bla na med
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo