| e-texts navigator |
| བོད་ཡིག |
145b1 par mdzad do/ /sems can rnams sems can dmyal ba dang / dud 'gro dang / yi dags kyi rgya mtsho las nges par bsgral ba'i phyir sbyin pa'i pha rol du phyin pa bsngags par yang mdzad la gsol bar yang mi mdzad do/ /de bzhin gshegs pa
145b2 lo drug gi bar du dka' ba spyad pas nyam chung bar gyur to/ /zhes sangs rgyas la sems can thams cad dang 'dra bar blta bar mi bya'o/ /'dod pa'i chu bo las rgal ba de dag ni brtan po yin te dpa' bo de dag ni mi'i yul la spyod pa ma yin no/ /
145b3 de bzhin du nga'i nyan thos rnams kyi stobs dang spyod yul yang bsam gyis mi khyab po/ /sems can thams cad zas la rten/ /ces bya ba yang lhag ma yod pa'i don yin par shes par bya'o/ /ser sna med pa thams cad g.yo ba yin
145b4 zhes bya ba de yang lhag ma yod pa'i don yin te bdag la ser sna byed pa mi g.yo ba'i bde bar 'gro ba dam pa 'ga' yang yod do/ /thams cad zas kyi nyes pas nad du 'gyur zhes bya ba de yang lhag ma yod pa'i don yin te tsher mas zug pa la sogs
145b5 pa'i nad glo bur dag kyang yod do/ /chos spyod pa rnams dang 'grogs pa thams cad bde zhes bya ba de yang lhag ma yod pa'i don yin te 'jig rten pa rnams la yang chos 'dzin pa rnams dang 'tsham pa'i chos rnam pa mang po dag yod de de dag la yang bya ba sna
145b6 tshogs yod mod kyi smyung ba rnam pa sna tshogs can lus nyon mongs pa de dag dang gal te la la zhig 'grogs par gyur na ci bde ba la sten par 'gyur ram/ de lta na ni don dang 'gal bar 'gyur ro/ /de bas na sangs rgyas ni rgyu med par don dang
145b7 'gal ba ston par mi mdzad de gdul bar bya ba'i dbang gis rgyu dang bcas rkyen dang bcas par ston par shes par gyis shig / 'jig rten las 'das pa'i chos ni mchog tu bde ba yin no/ /tshigs su bcad pa 'di ni grong khyer gyen du rgyal
145b8 zhes bya ba'i bram ze lug dpal zhes bya ba las brtsams nas bstan pa yin te/ bram ze lug dpal zhag bzhi pa'i smyung ba byed cing nga'i thad du 'ongs nas ngas de'i zhag bzhi pa'i smyung ba'i lta ba bsal ba'i phyir sems can thams cad zas la rten
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo