rKTs

e-texts navigator

Volume

Page

145a₁ bu mo rab bzang pha'i khyim du song nas rab tu 'byung ba'i sems skyes te de bzhin gshegs pa'i thad du song nas bud med du gyur pa ni gzhan gyi dbang du gyur pa yin la/ skyes par gyur pa ni rang dbang can yin no
145a₂ snyam du bsams nas de bzhin gshegs pa dang chos dang dge slong gi dge 'dun la skyabs su song ste/ de'i rtog pa thugs su chud nas bcom ldan 'das kyis gzhan gyi dbang gyur thams cad sdug /ces tshigs su bcad pa de skad
145a₃ gsungs so/ /byang chub sems dpa' rnams kyi nang na mi'i khyu mchog 'jam dpal legs so legs so/ /sems can thams cad la phan pa'i phyir dgongs pa'i tshig 'di nga la zhus pa legs so/ /de nas bcom ldan 'das
145a₄ kyis yang 'jam dpal gzhon nur gyur pa la tshigs su bcad de bka' stsal pa/ thams cad zas la rten pa yin/ /ser sna med pa thams cad g.yo/ /zas kyi nyes pas nad du 'gyur/ /tshangs par spyod dang 'grogs na bde/ /
145a₅ 'jam dpal gyis gsol pa/ bcom ldan 'das ci lags tsun da'i sbyin pa cher gsol nas zhal zas kyi nyes pas bsnyengs lags sam/ de nas bcom ldan 'das kyis 'jam dpal la 'di skad ces bka' stsal to/ /sems
145a₆ can thams cad kyang zas la rten pa ma yin no/ /ser sna med pa thams cad kyang g.yo ba ma yin no/ /thams cad la yang zas kyi nyes pas nad du 'gyur ba ma yin no/ /chos spyod pa rnams dang 'grogs so cog kyang bde ba ma yin no/ /'jam
145a₇ dpal gang gi tshe khyod nad kyis thebs pa de'i tshe nga yang nad kyis thebs so/ /dgra bcom dang ni rang sangs rgyas/ /byang chub sems dpa' de bzhin gshegs/ /de dag rtag tu zas med de/ /de ni sangs rgyas chos nyid do/ /dgra bcom pa rnams
145a₈ dang / rang sangs rgyas rnams dang / byang chub sems dpa' rnams dang / de bzhin gshegs pa rnams ni zhal zas kyang mi gsol la sbyin pa 'bum phrag mang po yang bzhes par mdzad do/ /sbyin pa blang bar bya ba'i gdams ngag kyang ston

_{iiif viewer powered by OpenSeadragon}

144b - 145b

Texts on this page