| e-texts navigator |
| བོད་ཡིག |
144b1 dgas ni de rang dbang du gyur na sdig pa bgyid pa dang 'gum par 'gyur bas na bka' stsal pa 'di ni lhag ma yod pa'i don lags te/ de bas na gzhan gyi dbang du gyur pa thams cad sdug pa yang ma lags la rang dbang can thams cad bde
144b2 ba yang ma lags so/ /nga rgyal dbang gyur kun mi zad/ /ces bgyi ba de yang lhag ma yod pa'i don lags kyi nga rgyal gyi dbang du gyur pa kun mi zad pa yang ma lags te/ 'di na la la zhig nga rgyal gyi dbang gis rab tu byung na ci lags rab tu
144b3 byung ba de la nga rgyal gyi dbang du gyur pa kun mi zad ces bgyi lags sam/ de ni nga rgyal ma mchis pa dang / bsod nams dang ldan pa dang / tshul khrims dang cho ga dang ldan pa dang / dbang po bsrungs pa lags te/ de bas na
144b4 nga rgyal gyi dbang du gyur pa kun mi zad pa yang ma lags so/ /dga' ba thams cad bzang ba yin zhes bgyi ba de yang lhag ma yod pa'i don lags kyi dga' ba thams cad kyang bzang ba ma lags te/ bstan pa 'di la pham pa
144b5 byung ba rnams gos tshon can gyi rtags can rnams dang lhan cig 'khod pa bdag nyid kyis rung bar mthong yang sems can dmyal ba rnams su skye bar 'gyur te/ de lta bu dag la bzang zhes bgyis na don dang 'gal bar 'gyur
144b6 lags so/ /pham pa byed byed pa de dag gos dkar po gyon du 'jug pa de dag ni bzang po'i mchog don rgya chen po bgyis pa lags so/ /pham pa bgyis pa rnams ni mi bzang ba zhes bgyi ste de dag phung bar bgyid pa de
144b7 dag ni mi bzang ba zhes bgyi'o/ /de bas na dga' ba thams cad bzang ba ma lags na lha'i yang lha sangs rgyas de bzhin gshegs pas ci las dgongs te de skad ces bka' stsal lags/ de nas bcom ldan 'das kyis
144b8 'jam dpal gzhon nur gyur pa la 'di skad ces bka' stsal to/ /sangs rgyas ni rgyu med pa'i don dang 'gal bar mi gsung gi rgyu dang bcas rkyen dang bcas par gsung ste rgyal po'i khab na khyim bdag ko ta ka'i
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo