| e-texts navigator |
| བོད་ཡིག |
144a1 shig / byang chub sems dpa' rnams kyi nang na mi'i khyu mchog 'jam dpal legs so legs so/ /sems can thams cad la phan pa'i phyir dgongs pa'i tshig 'di dris pa de ni legs so/ /de nas bcom
144a2 ldan 'das la 'jam dpal gzhon nur gyur pas tshigs su bcad de 'di skad ces gsol to/ /ma la mchod pa'i tshul gyis ni/ /pha ma gnyis la mchod bgyis na/ /bla ma la yang gus gyur la/ /mnar med 'jigs par ji ltar mchi/ /
144a3 de nas bcom ldan 'das kyis tshigs su bcad de 'di skad ces bka' stsal to/ /'dir ni sred pa ma zhes bya/ /gti mug la ni pha zhes bya/ /chos 'di gnyis la gang mchod pa/ /de ni mnar med 'jigs par 'gro/ /de nas bcom ldan
144a4 'das kyis yang 'jam dpal gzhon nur gyur pa la tshigs su bcad pa 'di skad ces bka' stsal to/ /gzhan gyi dbang gyur thams cad sdug /rang dbang can ni thams cad bde/ /nga rgyal dbang gyur kun mi zad/ /dga' ba thams cad
144a5 bzang ba yin/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das kyis chos kyi sgo de skad du bka' stsal pa ni legs par bka' stsal pa ma lags te 'di na khyim bdag la la
144a6 zhig gis bdag gi bu byis pa'i slob dpon la gtad na ci lags khye'u de gzhan gyi dbang du gyur pa zhes mi bgyi lags sam/ de la gzhan gyi dbang du gyur pa ma lags so zhes bgyis na yang don dang 'gal bar 'gyur la de la rang dbang can
144a7 lags so zhes bgyis na yang don dang 'gal bar 'gyur te chos 'di ni shin tu rtags dka' ba lags so/ /'di na rgyal po'i bu la la bcos su mi rung bar gyur te de ci yang slob mi 'tshal nas rang dga' dang rang nyam du 'khyam pa de la rang
144a8 dbang can zhes bgyis na ni don dang tshabs cher 'gal bar 'gyur la gzhan gyi dbang du gyur to zhes bgyis na ni don dang 'gal bar mi 'gyur te chos 'di ni shin tu brtag dka' ba lags so/ /gzhan yang dbang du gyur ces bgyi ba'i tshig bla
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo