| e-texts navigator |
| བོད་ཡིག |
143b1 pa'i rta cang shes dang / dge slong tshul khrims dang ldan pa 'di rnams ni gnod pas tshugs pa lags kyis kyang cis kyang mi 'jigs lags so/ /de la chad pa dag gis thams cad skrag ces bgyi ba ni 'dir lhag ma yod pa'i don lags
143b2 pas na mdor bsdus pa lags so/ /bdag gi nyams las dpag bya zhing zhes bgyi ba de yang lhag ma yod pa'i don lags te dgra bcom pa rnams ni bdag dang mi mnyam mo zhes de ltar 'jig rten du grags lags so/ /gal te dgra
143b3 bcom pa rnams kyi bdag tu 'du shes pa dang / dgra bcom pa rnams kyi srog tu 'du shes pa gsungs pa lags so zhes de lta bu'i blo chung ngu rnams kyis ni dgra bcom pa gnas ngan par bzhag pa lags te/ de ltar bgyis pas srog tu 'du
143b4 shes pa'i lta ba ngan pas rmongs pa'i 'bras bus myur du mnar med par skye bar 'gyur lags so/ /gcig tu na gal te dgra bcom pa rnams gsad pa'i sems bskyed du lags kyang sems can da dag gis sod par 'gyur mi srid de sems
143b5 can mang po log kyang de dag gsod pa'i rngo mi thogs lags so/ /bcom ldan 'das kyis bka' stsal pa/ srog chags rnams la snying brtse ba'i phyir bdag dang 'dra bar blta'o/ /dgra bcom pa ni 'tshe ba med pa'i sgo nas dpag tu med pa
143b6 dang / mtshungs pa med par blta bar bya ste de dag la gsad pa'i sems bskyed par mi bya'o/ /de ltar na sangs rgyas ni rgyu med par don dang 'gal ba mi ston te/ tshigs su bcad pa 'di ni rgyal po'i khab kyi ri dgas kyi rngon pa las brtsams
143b7 nas bstan te/ des ri dgas bsad nas sha dang ldan pa'i zas kyi sbyin pa la nga spyan drangs nas ngas kyang des spyan drangs pa la gnang nas sgra gcan zin dang 'dra bar lta ba'i tshul gyis tshigs su bcad pas 'di skad ces byas so/ /chad pa dag
143b8 gis thams cad skrag / kun la srog ni phangs pa yin/ /bdag gi nyams las dpag bya zhing / /brdeg par mi bya gsad mi bya/ /mig rgyang ring du ltos la ring du 'tsho bar gyis shig /'tshe ba med pa'i rtags kyi don khong du chud par gyis
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo