| e-texts navigator |
| བོད་ཡིག |
142b1 dgu las 'di na gcer bu pa sems can dmyal ba thams cad dang / ya mtshan can dgu bcu rtsa drug po rnams la ni lam ngan par zhugs pa yin no/ /sangs rgyas kyi sras thams cad ni mya ngan las 'das pa la zhugs
142b2 pa yin no/ /drang po dang tshul khrims dang cho ga dang ldan pa dang / dbang po thul ba gang yin pa de dag thams cad ni mtho ris su 'gro ba dang / chos kyi spyod yul can yin no zhes bdag bstod pa dang / gzhan smod pa dang /
142b3 gzhan gshung ba bka' stsal te/ bcom ldan 'das kyis de ltar gzhan dang mi mthun pa rnams kyang bka' stsal la/ gzhan dag dang mi mthun pa zhes bgyi ba yang ma lags pa ci lta bu lags/ de nas bcom ldan
142b4 'das kyis 'jam dpal gzhon nur gyur pa la 'di skad ces bka' stsal to/ /rigs kyi bu ngas gzhan gyi mi mthun brtag mi bya/ /zhes bstan pa de gang las ni brtsams ci'i phyir ni bstan ce na/ ma skyes dgra las
142b5 brtsams nas bstan pa yin te sangs rgyas bcom ldan 'das ni rgyu med par don 'gal ba ston par mi mdzad kyi rgyu dang bcas par ston par mdzad de/ sngon ma skyes dgras pha bsad nas nga'i thad du 'ongs nas 'di ltar
142b6 brnyas thabs su dri ba dris te ci lags/ bcom ldan 'das thams cad mkhyen pa lags sam 'on te thams cad mkhyen pa ma lags/ gal te thams cad mkhyen pa lags na ci'i slad du lha sbyin rab tu phyung lags/
142b7 de tshe rab stong phrag mang por phyi bzhin 'brang zhing gnod pa bgyid par gzigs na da ltar yang rgol du 'ong bar thams cad mkhyen pa khyod kyis ji ltar gzigs shes zer nas ngas de la 'di skad du/ gzhan dang mi mthun
142b8 brtag mi bya/ /zhes bya ba'i tshigs su bcad pa bstan to/ /da ni rgyal po chen po khyod bdag gis pha bsad de mtshams med pa'i las kyi rab dug chen po byas pa de sbyang bar gyis shig /rgyal po gzhan gyi nyes pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo