| e-texts navigator |
| བོད་ཡིག |
141a1 ba'i 'bras bu yang tha dad do/ /de bas na thams cad du sbyin pa'i 'bras bu che ba ma yin no/ /gsol pa/ ci'i slad du bcom ldan 'das kyis tshigs su bcad pa 'di'i don rnam pa gnyis su bka' stsal lags/
141a2 rgyu las 'gyur te sngon rgyal po'i khab kyi dge bsnyen dad pa med pa gcer bu pa la dga' ba zhig yod pa des nga la sbyin pa byas pa cir 'gyur ba dris pa de'i tshe de drang ba'i phyir sbyin pa kun tu bsngags pa yin zhes bya ba'i tshigs su bcad pa de de la bstan
141a3 to/ /de ni byang chub sems dpa' rnams kyi don du tshigs su bcad pa'i don dgongs pa'i tshig tu bstan te dus thams cad du tshigs su bcad pa'i don 'dra bar bstan pa ma yin no/ /thams cad ces bya ba ni skabs dang sbyar te
141a4 tshig gi lhag ma yod par rig par bya'o/ /byang chub sems dpa' mi mchog gis ni tshul khrims 'chal ba rnams zhing gi ngo bzhin du tshar bcad par bya'o/ /rigs kyi bu gzhan yang ngas sngon tshigs su bcad pa 'di bstan
141a5 te/ 'di lta ste/ chu klung chu kun gya gyur 'bab/ /nags tshal kun ni shing nyid yin/ /bud med kun la g.yo sgyu yod/ /dbang phyug thams cad bde ba yin/ /bud med rnams kyi sems ni g.yo sgyu can dang 'jigs su
141a6 rung ba yin no/ /de bas na 'jam dpal gzhon nur gyur pa stan las langs te bcom ldan 'das kyi zhabs la mgo bos phyag 'tshal nas bcom ldan 'das la slar tshigs su bcad de gsol pa/ chu kun gya gyur 'bab ma lags/ /
141a7 nags tshal kun kyang shing ma lags/ /bud med kun la'ang g.yo ma mchis/ /dbang phyug kun kyang bde ma lags/ /de bas na bcom ldan 'das kyis chos kyi sgo de skad du bka' stsal pa de ni legs par bka' stsal pa ma
141a8 lags te/ 'di la rgyu ci mchis pa bka' stsal 'tshal lags so/ /stong gsum gyi stong chen po'i 'jig rten gyi khams 'di na gling tha dad pa nub kyi ba lang spyod ces bgyi ba mchis te de na chu klung gi ming drang por 'bab ces
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo