| e-texts navigator |
| བོད་ཡིག |
140b1 nyam thag par gyur nas/ bdag ni shi yang sla'i khye'u 'di thar bar bya'o snyam nas de de'i don du 'bad pa las bu dang lhan cig tu shi na sngon mchog tu 'jigs pa'i las byas su zin kyang bu la byams shing thar par bya'o snyam pa'i
140b2 'bras bus mtho ris su skyes pa de bzhin du pham pa byed byed pa dang / mtshams med pa byed byed pa las dam pa'i chos 'byin par byed pa de dag ni sngon sdig pa'i las byas su zin kyang dam pa'i chos 'byin pa'i 'bras bus
140b3 bud med de dang 'dra bar sems can thams cad kyi yon gnas su gyur te/ dam pa'i chos 'byin pa'i 'bras bu ni de ltar che'o/ /gsol pa/ bcom ldan 'das 'dod chen par ltung bar gyur pa las slad kyis gzhi gsum la
140b4 'chags par bgyid cing bzod pa gsol bar bgyid na/ ci lags de la stsal pa yang 'bras bu che bar 'gyur lags sam/ bka' stsal pa/ rigs kyi bu de skad ma zer cig dper na mi la la zhig gis shing tog a mra zos nas rus pa
140b5 sa la bor ba'i 'og tu des 'di snyam du bsams te nang gi tshig gu zhim yang dag snyam nas des de'i phyi rol gyi rus pa bor te tshig gu zos pa dang / des de'i ro mi zhim par tshor nas yang bor ro/ /de nas des kyi hud bdag gis sa
140b6 bon ngan pa ma rung bar byas so snyam du bsams nas sa bon de phyir rus pa'i nang du bcug nas sa brkos pa'i 'og tu bcug ste/ 'o ma dang mar khus blugs la char chen po bab tu zin kyang sa bon ngan pa ma rungs bar byas pa skye bar mi
140b7 'gyur te skye mi srid do/ /de nas sa bon 'di ni ma rung bar byas pa yin te skye bar mi 'gyur ro snyam nas ngal bar gyur te cang mi zer bar 'dug pa de bzhin du 'dod chen pa la yang sa bon med de 'dod chen pa 'chags shing bzod pa
140b8 gsol ba'i sems skyed pa ni mi srid do/ /de bas na 'dod chen pa de lta bu la ni thams cad du sbyin pa 'bras bu che ba ma yin no/ /dgra bcom pa rnams la phul ba'i 'bras bu yang tha dad do/ /rang sangs rgyas rnams la phul
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo