| e-texts navigator |
| བོད་ཡིག |
13b1 ri rab dang bcas te mchod pa'i phyir lhags nas/ bcom ldan 'das la phyag 'tshal te phyogs gcig tu 'khod do/ /gzhan yang de'i tshe lha'i bu mthu bo che 'od chen po rgya mtsho chen po bzhi'i nang na gnas pa dang / chu klung chen po dag gi nang na gnas
13b2 pa gang gA'i klung grangs med pa'i bye ma snyed mchod pa snga ma bas ches nyis gyur gyis mdzes pa'i mchod pa sngon tu btang nas/ nyi ma'i 'od kyis mar me'i 'od zil gyis mnan pa bzhin du rang rang gi 'od kyis nyi ma'i 'od zil gyis mnan te/ nyi ma 'char ka'i 'od
13b3 kyis shing mya ngan 'tshang gi lo ma thams cad dmar lam mer snang bar byed pa de bzhin du rang rang gi 'od kyis chu klung gser ldan gyi chu dmar lam mer snang bar byas nas/ bcom ldan 'das la phyag 'tshal te phyogs gcig tu 'khod do/ /gzhan
13b4 yang de'i tshe grong khyer ku shi nas shing sa la zung gi drung gi bar skabs kyi bar snang la khang bzangs ri'i dbang po'i rtse mo lta bu ngang pa'i thal gong ltar dkar ba sha stag gis 'khrigs par gyur to/ /sa gzhi ni bskyed mos tshal dang rdzing bu'i chu pad mas
13b5 mdzes par byas pa dag gis gang bar 'dug ste byang gi sgra mi snyan kyi bskyed mos tshal bas kyang lhag par mdzes so/ /gcig tu na dga' ba'i tshal dang / shing rta sna tshogs can dang 'dra bar gyur te/ sa phyogs de dag de ltar dga' dga'
13b6 ltar 'dug kyang lha dang / lha ma yin dang mi de dag de bzhin gshegs pa yongs su mya ngan las 'da' ba'i phyir shin tu ngu'o/ /gzhan yang de'i tshe rgyal chen bzhi'i ris kyi lha rnams rang rang gi 'khor la 'di skad ces zer to/ /grogs po dag ltos/
13b7 grogs po dag ltos/ lha dang lha ma yin dang / mi rnams kyi de bzhin gshegs pa'i mchod pa'i las khyad par du 'phags la/ de bzhin gshegs pa la zhal zas kyi tha ma 'bul ba la brtson gyis/ grogs po dag bdag cag kyang de bzhin
13b8 gshegs pa dgra bcom pa yang dag par rdzogs pa'i sangs rgyas la so so nas mchod pa bya'o/ /zhal zas kyi tha ma yang dbul bar bya'o/ /gal te bdag cag gis phul ba'i zhal zas kyi tha ma bcom ldan 'das kyis bzhes par gyur na de
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo