| e-texts navigator |
| བོད་ཡིག |
13a1 ma snyed sems can thams cad la mi 'jigs pa sbyin pa sha stag gis seng ge'i rtsal chen pos spos kyi glang po che rnams dang 'dra bar me tog dang 'bras bu rnams khyer te rings par lhags nas phyogs gcig tu 'khod do/ /gzhan yang
13a2 de'i tshe bya ngang pa dang / khrung khrung dang ngur pa dang ka dam pa dang zal mo dang gzhad dang khu byug dang ba li ka dang / ka la ping ka dang shang shang te'u la sogs pas kyang spos kyi glang po che rnams dang 'dra bar me tog dang 'bras bu khyer te rang rang gi skad phyung nas
13a3 phyogs gcig tu 'khod do/ /gzhan yang de'i tshe sa'i steng na ba dang ma he mo dang ra ma mo yod do cog nu ma 'o mas bkang ste shin tu rings par lhags nas shing sa la zung gi drung nas phyogs gshong zhig mthong nas/ der rang rang gi nu ma 'o mas gang ba de dag
13a4 las 'o ma gseg ma dang / bye ma dang ba tshas ma 'gags shing tsha ba'i skyon du 'gyur ba med pa dag gzags te/ 'o ma de dag gi nang nas sbrang bu dag bsal nas phyogs gcig tu 'khod do/ /gzhan yang de'i tshe drang srong bzod par smra ba la sogs pa
13a5 gling bzhi na gnas pa'i drang srong mngon par shes pa lnga dang ldan pa theg pa chen po 'dod pa sha stag la gang gA'i klung dkrigs kyi bye ma snyed rang rang gi rdzu 'phrul gyi stobs kyis yam sreg shing dang / zhal zas dag khyer nas bcom ldan 'das la
13a6 phyag 'tshal te phyogs gcig tu 'khod do/ /gzhan yang de'i tshe 'od srung chen po la sogs pa dge slong gi dge 'dun kha cig dang / gnas brtan kun dga' bo la sogs pa ma gtogs par yul phyogs na gnas pa'i dge slong dang / dge slong ma
13a7 ji snyed yod pa de dag thams cad kyang ma lus par der lhags so/ /gzhan yang de'i tshe ri rab la sogs pa ri chen po rnams dang / 'jig rten gyi bar mtshams kyi ri gang gA'i klung grangs med pa'i bye ma snyed kyang shing ljon pa dang / 'khri shing mang
13a8 po nyin mtshan gyi grib ma byed pa dang / brag zang yag grib ma che ba dang / brag kha nas 'bab pa'i chus gang ba dang / sman gshong rdo gu dang rtsa ba dang 'bras bus gang ba dag kyang der lhags so/ /lha'i bu mthu bo che'i 'dun ma chen po dag kyang
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo