rKTs

e-texts navigator

Volume

Page

139b₁ chen pa'i lam du zhugs pa yin no/ /pham pa bzhi byung ba rnams dang / mtshams med pa lnga byed pa gang yin pa de dag ni bdag cag 'jigs pa'i gnas su zhugs so snyam du shes kyang 'jigs par mi lta la dam
139b₂ pa'i chos kyi phyogs kyang mi 'dzin/ dam pa'i chos dbyung ngo snyam du 'bad par yang mi byed la/ de nyid kyi bsngags pa ma yin par yang rjod par byed pa de dag kyang 'dod chen pa'i lam du zhugs pa yin no/ /sangs
139b₃ rgyas med do/ /chos med do/ /dge 'dun med do zhes zer ba gang yin pa de dag kyang 'dod chen pa'i lam du zhugs pa yin no zhes nga zer to/ /'dod chen pa de dag ma gtogs par sbyin pa thams cad du bsngags so/ /
139b₄ gsol pa/ de la tshul khrims 'chal pa zhes bgyi ba gang dag lags/ bka' stsal pa/ pham pa byed byed pa rnams dang / mtshams med pa lnga byed byed pa rnams dang / mdo sde spong bar byed pa de nyid do/ /gsol
139b₅ pa/ bcom ldan 'das ci lags/ de dag rtag tu tshul khrims 'chal pa kho na lags sam/ bka' stsal pa/ 'di la rgyu yod de/ des na ye rtag pa yang yod/ ye mi rtag pa yang yod de/ gang
139b₆ dag gos tshon can gyi rtags can rnams dang / lhan cig tu mi gnas shing / kye ma bdag cag gi pham pa byung ba yin te/ bdag cag gi nyes pa byas so snyam nas 'jigs par lta la/ de dag dam pa'i
139b₇ chos dbyung bar bya'o snyam nas nyams su len par byed cing dam pa'i chos kyi phyogs 'dzin pa rnams kyi bsngags pa brjod par bya'o/ /chos ma yin pa'i phyogs rnams ni tshar bcad par bya'o/ /mtshungs pa
139b₈ med pa'i mdo sde rnams ni gdon par bya'o snyam du brtson par byed pa gang yin pa de dag tshul khrims 'chal pa yin no zhes nga mi zer ro/ /de ci'i phyir zhe na/ rigs kyi bu dper na nyi ma shar na lho bur gyi rdul sangs par

_{iiif viewer powered by OpenSeadragon}

139a - 140a

Texts on this page