| e-texts navigator |
| བོད་ཡིག |
137b1 rdzogs 'tshang rgya/ /mchog tu bde ba thob nas kyang / /nyes pa thams cad rnam spangs pa/ /de tshe sgra gcan zin bzhin du/ /de bzhin gshegs pas sems can gzigs/ /sems can kun gyi mchog gyur pa/ /gtan du mya ngan
137b2 'da' bas grongs/ /gang tshe sems can thams cad ni/ /bsam pa 'thun par gnas gyur te/ /byang chub mchog tu rdzogs sangs rgyas/ /nyes pa thams cad rnam spangs pa/ /de tshe sgra gcan zin bzhin du/ /de bzhin gshegs
137b3 pas sems can gzigs/ /sems can kun gyi mchog gyur pa/ /gtan du mya ngan 'da' bas grongs/ /gang tshe sbrang bu'i gcin tsam gyis/ /rgya mtsho bzhi yi mthas klas pa/ /nags tshal ri rnams bcas pa yi/ /sa gzhi
137b4 ngoms par gyur pa na/ /de tshe sgra gcan zin bzhin du/ /de bzhin gshegs pas sems can gzigs/ /sems can kun gyi mchog gyur pa/ /gtan du mya ngan 'da' bas grongs/ /de bas na chos dang ldan pa chos la gus
137b5 pa khyed mya ngan ma byed cig / ma ngu zhig /de bzhin gshegs pa ni rang la dbang yod kyis mi rtag pa'i 'du shes ma byed par rtag pa dang / ther zug pa dang / mchog tu brtan pa yin par yang dag par ltos shig /gzhi gsum
137b6 rtag pa'i gsang sngags kyi sba ba dang / bsrung ba 'dis bsrung bar gyis shig /gzhi gsum rtag pa'i gsang sngags kyis ni gnam lcags kyis tshig pa'i shing rnams kyang skye bar 'gyur te/ yal ga phre'u dang / sbal mig bye ba
137b7 dang / lo ma kha 'bus pa dang ldan par 'gyur ro/ /'khor bzhi po las gzhi gsum rtag par rjes su yi rang ba'i gtam 'di phan tshun thos na byang chub kyi sems bskyed mi dgos par 'dzin kyang gzhi gsum mchog tu rtag
137b8 pa'i rgyus na byang chub kyi rgyu skye bar 'gyur te/ 'di ni sangs rgyas kyi rjes su yi rang ba zhes bya'o/ /gzhi gsum rtag pa las byung ba'i rjes su yid rang ba 'di dge slong ngam dge slong ma gang dag sems can rnams la ston par
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo