| e-texts navigator |
| བོད་ཡིག |
136b1 du 'dug par 'dod na sbyin pa'i pha rol tu phyin pa tha ma'i dus la bab kyis myur du phul cig / de nas lha dang mi thams cad dang / byang chub sems dpa' rnams kyis 'di skad ces smras so/ /kye ma tsun da skyid de ba 'dis
136b2 phul ba'i zhal zas de bzhin gshegs pas gsol bar chad pa lta/ bdag cag ni dpal yon med de bdag cag gis zhal zas sta gon byas pa ni don med par gyur to/ /de nas bcom ldan 'das kyis nyid kyi ba spu'i khung bu
136b3 thams cad nas ba spu re re'i khung bu nas kyang sangs rgyas re re mngon du sprul nas der 'khor re re'i nang du yang de bzhin gshegs pa re re'i dge slong gi dge 'dun dang bcas pa thams cad bshos gsol ba lta bur bstan to/ /de
136b4 bzhin gshegs pa nyid ni tsun das phul ba'i zhal zas gsol lo/ /tsun das 'bras sA lu yul ma ga d+ha'i na li ta brgyad las zhal zas sbyar ba yang de bzhin gshegs pa'i mthus dge slong gi dge 'dun thams cad zhal
136b5 zas kyis khyed par mdzad do/ /de nas tsun da yang dga' bar gyur te/ bdag gi sbyin pa de bzhin gshegs pa dge slong gi dge 'dun dang bcas pas gsol nas yongs su mya ngan las 'das par mdzad do snyam mo/ /'khor
136b6 de dag thams cad 'di snyam du sems te/ bdag cag gis phul ba'i zhal zas de bzhin gshegs pas bzhes kyi tsun da'i ma bzhes so/ /bdag cag gis phul ba'i zhal zas gsol nas de bzhin gshegs pa yongs su
136b7 mya ngan las 'da' bar mdzad do snyam ste mchog tu dga' bar gyur to/ /'khor chen po de na de bzhin gshegs pa rnams bshos gsol zhing bzhugs pa'i bar mtshams snyung bu'i rtse mo'i khyon tsam gyis mchod par snang ngo /
136b8 kha cig ni khab kyi rtse mo'i khyon tsam gyi sa phyogs dag na bzhugs shing zhal zas dang mchod pa rnams 'dra bar mngar bar snang ngo / /de nas de'i tshe lha dang mi dang lha ma yin de dag ngu zhing cho nge 'don par byed de/ bdag cag gis so so
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo